Naz CONCEYU ABIERTU, nueva xunta electoral del nacionalismu asturianu

Conceyu Abiertu va ser la nueva apuesta electoral del nacionalismu asturianu. El Salón d'Actos de la Biblioteca Xovellanos de Xixón acoyerá'l próximu 19 de febreru la presentación de Conceyu Abiertu, una nueva iniciativa política afitada na xunidá d'acción dende la base y na que s'axunten persones de distintos ámbitos. Conceyu Abiertu promoverá la formación de candidatures d'unidá popular nes próximes elecciones de mayu al traviés d'agrupaciones de electores, lo que supón una novedá nel ámbitu políticu asturianu y una apuesta pola participación de base. La iniciativa soberanista surde del alderique entamáu nestos últimos meses sobre la situación política asturiana y la necesidá d'abrir un marcu de trabayu abiertu, ampliu y plural. Asina, el sábadu 19 de febreru, nun actu públicu en Xixón, va presentase Conceyu Abiertu, el so manifiestu y desplicarase'l por qué del proyectu y los sos oxetivos.