La revista asturiana Fusión Asturias acaba estrenar una nueva y remozada páxina web accesible a tolos internautes. Esta revista mensual va camín de convertise nún de los medios de comunicación asturianos con mayor calidá plástica yá qu'amás del so escelente formatu y presentación axunta unos conteníos de temática asturiana siempre de gran interés. Nel númberu de mayu, que dedica la so portada al conceyu de Ponga, apaez una entrevista cola conseyera asturiana de Cultura onde fala ente otres coses de la necesidá de la normalización llingüística del asturianu. Amás de les páxines dedicaes a les empreses asturianes y a munchos otros temes, la revista ufierta abonda información cultural con una sección fixa en llingua asturiana que lleva por títulu "Una hora menos en Miranda", que nesta ocasión ta dedicada al 5u Festival de Cine Asturianu. La revista ye accesible mediante suscripción y tamién viéndese al públicu per llibreríes especializaes nesti tipu de publicaciones.
Entradas
