La xuntanza nacional de les dos Asturies cada vez más cerca. Asturies d'Uviéu y Asturies de Santiyana podríen reaxuntase políticamente como una sola comunidá, igual que nel pasáu históricu anterior al Estáu hespañol creau polos lliberales nos años 1830. Cangues d'Onís podría ser la capital histórica de les dos Asturies. Les Asturies de Santiyana ye un territoriu históricu asturianu, comarca histórica qu'ocupa la tierra comprendida ente los ríos Deva y Miera, conocida tamién como merindá y documentada dende'l sieglu XI. Comprende angüañu la metá occidental de l'actual Cantabria (sacantes Llébana que se constituyía notra comarca) incluyendo'l valle del ríu Saya y el del ríu Nansa. Les sos llendes diben dende la ría del ríu Deva fasta la del ríu Miera (na Bahía de Sanander), que da pasu a la merindá de les Asturies de Tresmiera. Pel sur llegaba fasta los Montes Asturianos coles vertientes d'agües pal norte. Tolos valles d'esta comarca son perpendiculares a la costa. La llingua d'esti territoriu ye l'asturianu-oriental conocíu tamién como dialectu montañés, que tien como rasgu típicu la aspiración de la efe llatina.
Entradas
