El PP plantea y prevé yá abiertamente una reducción nel númberu de les excesives comunidaes autónomes del Estáu Hespañol y la so fusión ente elles p'algamar un númberu non superior a diez. La supresión de les Comunidaes Autónomes uniprovinciales, onde por ciertu nun esisten Diputaciones Provinciales, ye ún de los planteamientos que tien más pesu dende hai yá abondos años nes ponencies de reforma alministrativa de los goviernos del PP y una de les propuestes principales de la fundación FAES que dirixe José María Aznar. La supresión de Comunidaes Autónomes de poca población ye otra de les desixencies del nacionalismu catalán pa pautar con Madrid una previsible reforma constitucional onde se nomen caúna de les futures Comunidaes o Estaos Federaos que sobrevivan a la poda y al recorte. Rioxa, Murcia y Madrid desapaeceríen, como Estremadura con un pesu económicu insuficiente pa la so propia autofinanciación, que s'integraríen en Castiella. Nel norte Asturies y Cantabria pasaríen a formar un solu Estáu Federáu de Les Asturies o Asturies de Cantabria, como se propón, recuperando y reunificando los teritorios histórcos del Reinu d'Asturies. Lo mesmo que Navarra que recuperaría los sos territorios costeros incorporaos nel sieglu XI (les trés bascongaes). Los archipiélagos pel so llau caltendríen pola so naturaleza una autonomía federada pero cola supresión de los polémicos cabildos.Ceuta y Melilla tendríen un Estatutu especial pero dependeríen fiscal y financieramente d'Andalucía. La propuesta federal del PSOE implica que cada territoriu s'autofinancie colos sos propios impuestos y recursos fiscales pudiendo subir o baxar impuestos dientro d'una cuota del 30% del total. Estáu Central y Ayuntamientos controlaríen pel so llau impuestos federales y locales que sedríen iguales a tol territoriu federal. Nengún Estáu Federáu tendrá menos de 1,5 millones d'habitantes, mínimu necesariu pa l'autofinanciación federal y pa la so sobrevivencia y viabilidá económica.
Entradas
