L'empresariu Isidoro Álvarez (Borondes, Asturies d'UViéu, 1935) sigue na tiesta de la llista d'asturianos más bayurosos del añu 2010 con una fortuna estimada en más de 6000 millones d'euros, según informaciones publicaes pola prensa hespañola.El banqueru asturianu Emilio Botín (Sanander, Asturies de Santiyana, 1934)ta en segundu llugar, ye presidente del Bancu Santander y calcúlase que tien una bayura d'unos 1.400 millones d'euros. En tercer llugar ta Fernando Masavéu (Uviéu, 1966) presidente del Grupu Masavéu y Tudela Veguín. En cuartu llugar ta Luis Areces (Grau, Astuires d'Uviéu, 1912) presidente de Ceslar con una bayura d'unos 1000 millones d'euros. En quinta posición ta l'empresariu de l'alimentación Tomás Pascual Gómez-Cuétara (Sananader, Asturies de Santiyana, 1963) con unos 700 millones d'euros de bayura estimada. En sextu llugar y a cierta distancia sígue-y el so hermanu Jaime Botín (Sanander, Asturies de Santiyana, 1936) que con una bayura dunos 400 millones d'eutos controla un 20% de Bankinter. El sétimu asturianu más bayurosu ye Gonzalo Álvarez Arrojo (Noreña, Asturies d'Uviéu, 1931), presidente del grupu asturianu El Piles que controla empreses de tresporte como Mai Tours y Autos Sama que tien una bayura d'unos 192 millones d'euros. N'octava posición ta José Antonio Aguilera, accionista de Duro-Felguera y propietariu del restaurante Las Delicias. Y en novena posición, con una bayura d'unos 150 millones d'euros ta Jorge Cosmen Menéndez, fíu de Pepe Cosmen, que xunto colos sos hermanos ye accionista de National Express. Por últimu hai que mentar que la mayor fortuna de la península hespañola ye la d'Amancio Ortega, el dueñu de Zara, nacíu en 1936 nel pueblu de Busdongu, rayanu cola frontera de la provincia de Lleón cola d'Uviéu. La so bayura calcúlase nunos 22.000 millones d'euros.
Entradas
