sábado, 16 de marzo de 2013
8u FESTIVAL DE CINE ASTURIANU
8u Festival de Cine
Asturianu
El
8u Festival de Cine Asturianu entrega los Premios del Xuráu nuna Gala el miércoles
17 d’abril de 2013 nel Teatru Filarmónica d’Uviéu a les 20 hores. A la Gala
asisten múltiples personalidaes del mundu del cine y del audiovisual y ta abierta
al públicu en xeneral yá que ye d’asistencia pública y gratuita. Nel añu 2011
el Festival decidió conceder el so Premiu d’Honor al actor allandés Frank
Braña. La repentina muerte de Frank Braña en febreru de 2012 fizo tomar la
decisión al Festival de non celebrar esi añu la octava edición y aplazala pal
añu viniente. Pa esta vegada de 2013 el Festival cuenta como convidáu al realizador
de cine fonsagradín Manuel Curiel, director y fundador del Festival de Cine Independiente
de Lugo y biógrafu de Frank Braña, pa entregar los Premios. Manuel Curiel ye un
cineasta muy comprometíu cola cultura cinematográfica en Galicia y ye autor
d’un reciente llibru sobre Frank Braña tituláu Frank Braña, morrer con
dignidá nel cine, onde fai un extensu repasu a la trayectoria y películes
del actor.
Un
día enantes, el 16 d’abril de 2013 el Festival presenta en Xixón nel Real
Institutu Asturianu a les 17 hores el llibru “Vivir el cine: 120 películas que no podrás olvidar” cola presencia
del so autor Miguel Losada y a continuación proyecta pública y gratuitamente
los 11 curtiumetraxes finalistes y nominaos a los Premios del Xuráu.
Los
nominaos al Premiu al Meyor Curtiumetraxe son: Évora (Mark Ostrowski); Keres
(Alfonso Suárez );
Le futur (Benjamín Villaverde); Nunca; Mamá; Lo estipulado (Javier y Kiko Prada); La mujer del hatillo gris (Luis Trapiello); La mirada circular (Iván Sainz, Dirk Soldner, Jaime Fernández); A Dextrorsum (Valentín Martínez); Módulo 10 (Ángeles Cachón, Teresa
Marcos); Machine wars (Juan Caunedo).
Los
nominaos al Premiu al Meyor Actor son: Javier Almeda, por Lo estipulado; Fernando Amado, Daniel Cabrero, Ricardo Jordán y Eduardo
Santos por Hasta el fin del día;
David Cabal por Un contrato extraño y
René de la Cruz por Machine wars.
Los
nominaos al Premiu a la
Meyor Actriz son: María Botto por La mujer del hatillo gris; Macarena Gómez por Lo estipulado y Olga Montero por Un contrato extraño.
Los
nominaos al Premiu al Meyor Documental son: Eu
soi quen fun (Melania Fraga); Concejo
de Laviana (HI-VIDEO) y Sombra
(Juan Caunedo).
Los
nominaos al Premiu a la
Meyor Película son: Un
contrato extraño (Teresa Marcos), Hasta
el fin del día (Daniel Cabrero) y El
sueño de Luis Moya (Manuel García y Francisco Vidal).
La
identidá de los miembros del xuráu dase a conocer el mesmu día de la Gala
d’Entrega de Premios. El troféu del Festival de Cine Asturianu ye un Fruteru de
Cristal en recuerdu de la primer película asturiana de ficción de 1905 titulada
El robu de fruta rodada en Xixón por
Javier Sánchez Manteola.
El
Festival de Cine Asturianu ye una entidá cultural y filantrópica ensin ánimu de
lucru reconocida que tien como finalidá la difusión y fomentu del cine
asturianu asina como la convocatoria
d’unos Premios.
El
Festival de Cine Asturianu premió con anterioridá concediento diplomes a
trabayos de personalidaes del cine ente otros como Asunción Balaguer, Sergio G.
Sánchez, Paul Narschy, Teresa Marcos, Santos Hevia, Carmen Rico, Eva Lesmes,
Pablo de María, Alberto
Rodríguez , Luis Argeo, Lola Herrera, Antonio Resines, Pedro
Touceda, Belén Rueda, Gonzalo de Castro, José Antonio Bayona, Tom Fernández,
Iñaki Ibisate, José Antonio Quirós, Ígor Iglesias, Eva Gallego... Como Premios
d’Honor el Festival cuntó cola presencia de Gil Parrondo, Mary Paz Pondal, Juan
Gona, Gonzalo Suárez, Lilián de Celis, Juan José Otegui o Carlos Blanco.
El
Festival de Cine Asturianu promueve obres cinematográfiques de directores
asturianos rodaes en cualaquier llingua, asina como obres fílmiques rodaes
básicamente n’Asturies o trabayos rodaos en llingua asturiana.
Suscribirse a:
Entradas (Atom)
Entradas
