Xosé Lluís Colodrón falará de la enseñanza del asturianu na XEA 2012

Xosé Lluís Colodrón Ardura falará de la situación del asturianu nel sistema educativu nel presente y les perspectives de futuru que se abren pa la enseñanza oficial y reglada de la llingua y lliteratura asturianes dientro del sistema educativu. Xosé Lluís Colodrón ye Responsable de la Secretaría de Llingua Asturiana del sindicatu SUATEA, una de les organizaciones sindicales que más ta trabayando anguañu pola dignificación y reconocencia del asturianu dientro del sistema educativu. Toles ponencies escrites de la XEA 2012 recoyeránse posteriormente nun llibru recopilatoriu. Como ye vezu na Xunta d'Escritores Asturianos, la ponencia de Xosé Lluís Colodrón tará seguida d'un alderique colos asistentes sobre la situación y perspectives futures del enseñu del asturianu. L'actu tendrá lugar el próximu xueves 1 de marzu a les 18 hores na Sala Polivalente de la Biblioteca del Campu San Francisco d'Uviéu.

Xaviel Vilareyo presenta "Les Asturies y el nacionalismu bascu" na Xunta d'Escritores Asturianos 2012

Xaviel Vilareyo presenta'l so llibru

"Les Asturies y el nacionalismu bascu"

na Xunta d'Escritores Asturianos 2012

L'escritor y etnólogu Xaviel Vilareyo presentará'l so reciente llibru tituláu "Les Asturies y el nacionalismu bascu" na próxima Xunta d'Escritores Asturianos 2012 que tendrá llugar n'Uviéu na Biblioteca del Campu San Francisco. L'actu de presentación del llibru sedrá'l xueves 1 de marzu a les 19 hores de la tarde y cuntará cola intervención de Llucía Fernández Marqués.


Les Asturies y el nacionalismu bascu ye una valiente aproximación a la imaxen que se tien de Les Asturies dende la óptica del nacionalismu bascu, ensayu que recibió una Mención Especial nel Premiu Asturies d'Ensayu 2009. Xaviel Vilareyo (Mieres del Camín, 1967) ye escritor, profesor y etnólogu, llicenciáu en Derechu, pertenez a la Tercer Xeneracion del Surdimientu y recibió en 2009 tamién el Premiu de Teatru de l'Academia de la Llingua. Anguañu prepara la so antoloxía poética "Del Eo al Asón".

Xaviel Vilareyo presenta "Les Asturies y el nacionalismu bascu" na Xunta d'Escritores Asturianos 2012

Xaviel Vilareyo presenta'l so llibru

"Les Asturies y el nacionalismu bascu"

na Xunta d'Escritores Asturianos 2012

L'escritor y etnólogu Xaviel Vilareyo presentará'l so reciente llibru tituláu "Les Asturies y el nacionalismu bascu" na próxima Xunta d'Escritores Asturianos 2012 que tendrá llugar n'Uviéu na Biblioteca del Campu San Francisco. L'actu de presentación del llibru sedrá'l xueves 1 de marzu a les 19 hores de la tarde y cuntará cola intervención de Llucía Fernández Marqués.


Les Asturies y el nacionalismu bascu ye una valiente aproximación a la imaxen que se tien de Les Asturies dende la óptica del nacionalismu bascu, ensayu que recibió una Mención Especial nel Premiu Asturies d'Ensayu 2009. Xaviel Vilareyo (Mieres del Camín, 1967) ye escritor, profesor y etnólogu, llicenciáu en Derechu, pertenez a la Tercer Xeneracion del Surdimientu y recibió en 2009 tamién el Premiu de Teatru de l'Academia de la Llingua. Anguañu prepara la so antoloxía poética "Del Eo al Asón".