L'escritor Xaviel Vilareyo presentará'l próximu miércoles 13 de xineru la nueva creación suya: la Historia del Cine Asturianu, una antoloxía novedosa yá que ye la primer vez que se publica una historia completa del cine asturianu. L'actu de presentación del llibru, editáu por Espublizastur, tendrá llugar nel Palaciu Villa Madalena d'Uviéu a les 20 hores de la tarde, como pieslle de los actos de la Xunta d'Escritores Asturianos 2010. L'actu de presentación correrá a cargu d'un históricu nacionalista asturianu: el médicu Marcos Abel Fernández.
El nuevu llibru de Xaviel Vilareyo, d'unes 400 páxines, ta fechu n'edición de lluxu con abondes semeyes, dalgunes novedoses y supón un fitu imprescindible na filmografía asturiana yá que ye la primer vez que s'escribe una historia del cine nacional asturianu. El llibru ye un gran ensayu lliterariu con abondos datos historiográficos y fílmicos. Según l'autor, toa nación ha tener tamién la so filmografía propia y Asturies un podría quedar al marxe por más tiempu, a pesar de toles torgues y pilancos que sufren les naciones pequenes como Asturies, yá que, al igual que pasa cola lliteratura asturiana, paez que sólo se reconocen como filmografíes propies les d'aquellos territorios que formen estaos independientes y paez que dalgunos ñéguense a reconocer a les filmografíes de les naciones ensin estáu propiu.
Xaviel Vilareyo y Villamil (Mieres del Camín, 1967) ye músicu, escritor y profesor. Recibió los premios de lliteratura Valentín Andrés, Vila de Sarria, Elvira Castañón y Xeira. Premiu de Teatru de l’Academia de la Llingua 2009, añu nel qu’estrenó la so primer obra dramática: La vocación. Fundador y director del Festival de Cine Asturianu dende 2005, realizó tamién los curtiumetraxes titulaos Salvemos el teatru (2009), La vocación (2009) y el documental Ensin xéneru de duldes (2009).
La historia del cine asturianu ye una historia inda nun estudiada a xeitu. Esti llibru ye’l primer planu xeneral d’un edificiu que se tien que restaurar: el del cine asturianu, el cine realizáu polos asturianos. La historia interna de les motivaciones, inquietúes, tendencies, ambiciones y oxetivos de los directores asturianos y la configuración creativa de tol procesu conxuntu na realización de les películes asturianes ye un tema interesante que requier con urxencia una mínima atención por parte de toos. A ello hai qu’axuntar un grupu de pelicules que pola so temática y realización presenten un grau d’asturianidá tan eleváu que merecen por sí soles el calificativu de películes asturianes. Los guionistes asturianos tamién llograron dar al cine una seña d’identidá propia. Esti llibru quier dexar testimoniu pa que tou esti bayurosu patrimoniu artísticu asturianu nun se pierda nin s’escaeza baxo les niebles del tiempu.
La historia del cine asturianu ye una historia inda nun estudiada a xeitu. Esti llibru ye’l primer planu xeneral d’un edificiu que se tien que restaurar: el del cine asturianu, el cine realizáu polos asturianos. La historia interna de les motivaciones, inquietúes, tendencies, ambiciones y oxetivos de los directores asturianos y la configuración creativa de tol procesu conxuntu na realización de les películes asturianes ye un tema interesante que requier con urxencia una mínima atención por parte de toos. A ello hai qu’axuntar un grupu de pelicules que pola so temática y realización presenten un grau d’asturianidá tan eleváu que merecen por sí soles el calificativu de películes asturianes. Los guionistes asturianos tamién llograron dar al cine una seña d’identidá propia. Esti llibru quier dexar testimoniu pa que tou esti bayurosu patrimoniu artísticu asturianu nun se pierda nin s’escaeza baxo les niebles del tiempu.
La Xunta d’Escritores Asturianos 2010 falará del nacionalismu asturianu y de les relaciones ente la lliteratura, la identidá y la nación nel casu asturianu. La relación ente nación y lliteratura ye un vieyu tema presente en tola historiografía lliteraria y paña especial relieve nel casu de les lliteratures de llingües menores y en procesu de construcción como ye’l casu de la lliteratura asturiana, que ta escrita nun llingua inda non oficial. Esta nueva edición del 2010 tendrá llugar n'Uviéu los díes 11, 12 y 13 de xineru. Les actividaes tán destinaes tanto a escritores como al públicu en xeneral yá que l’asistencia ye gratuíta y consisten nun ciclu de conferencies, debates, alderiques, presentaciones de llibros, amás tolos asistentes recibirán como regalu reproducciones de mapes históricos d’Asturies. Nesta edición el lema de les xornaes falará de cómo los aspectos identitarios afecten al fechu d'escribir nuna llingua minorizada y non oficial como l'asturiana frente a otres de más prestixu institucional y los medios pa superar cola lliteratura esta situación de desventaya, asina como les relaciones esistentes ente identidá y lliteratura, cara al futuru de los nuevos escritores, ente otros temes. La Xunta d’Escritores Asturianos tendrá llugar n’Uviéu nel palaciu de Villa Madalena, situáu nel antigu Paséu de la Siella del Rei. Na Xunta presentaráse'l Llibru d'Actes del anterior aconceyamientu que lleva por títulu "Lliteratura asturiana y compromisu", a cargu d’Esther Prieto. El programa cuntará amás con conferencies y presentaciones de Javier Cubero, Xaviel Vilareyo, Daniel Cueli, Pablo Martínez, Helena Trexu, Xuan Carlos Crespos, Dorita García, Inaciu Galán, Laura Marcos, Benxa Pérez, César García, Llucía Fernández y Marcos Abel Fernández. Esta edición del 2010 quier recordar tamién los centenarios de Fruela II y del arquitectu asturianu Miguel de la Guardia.
LLUNES 11 XINERU:
- 17h. Presentación del llibru Lliteratura asturiana y compromisu, actes de la Xunta d’Escritores Asturianos 2008. Presenta: Esther Prieto.- 17,30h. Llingües, clases y nacionalismos. Javier Cubero.- 18,30h. L’idioma asturianu na Asturias de Santiyana. Xaviel Vilareyo.- 19,30h. Presentación de los númberos 4 y 5 de la revista N’AST. Daniel Cueli.- 20,30h. Centenariu de Miguel de la Guardia (Hontaneda 1859 – Uviéu 1910), arquitectu de Villa Madalena.
MARTES 12 XINERU:
- 17h. De cómo una llingua s’enfrenta a la muerte. Pablo Martínez Testa.- 17,30h. Nación y llingua. Helena Trexu.- 18h. Presentación del llibru Abismos, adicciones y papeles azules, de Xuan Carlos Crespos.- 18,30h. Crónica del rei Fruela II d’Asturies (910-925) Xaviel Vilareyo.- 19h. El procesu creativu. Dorita García. Presentación de la so obra narrativa.- 19,30h. Presentación del númb. 6 de la revista Formientu.Inaciu Galán, Laura Marcos, Benxa Pérez y César García.- 20h. Recital de nueva poesía asturiana.
MIÉRCOLES 13 XINERU:
- 17h. Presentación del númberu 72 de la revista LA SIDRA. Llucía Fernández Marqués.- 17,30. La lliteratura dialectal de los escritores de Santiyana. Xaviel Vilareyo.- 18,30. El periodismu nuna llingua minorizada. Inaciu Galán.- 19,30. Antoloxía poética de la Xeneración del Compromisu (1967-1982)- 20h. Presentación del llibru Historia del Cine Asturianu, de Xaviel Vilareyo.Presenta: Marcos Abel Fernández.
ENTRADA LLIBRE: Tolos asistentes recibirán como regalu mapes históricos d’Asturies.
Entradas
