El Goviernu de la "izquierda", recién fenecíu n'Asturies d'Uviéu y na ciudá de Xixón, regaló más dineru nos sos años d'ostentación del poder al cabezaleru mexicanu Paco Ignacio Taibo II pa iguar la feria privada brañega nomada "Selmana Prieta" que los concedíos pa financiar una institución pública asturiana tan importante como ye L'Academia de la Llingua Asturiana. Esa foi la política presupuestaria llevada alantre polos goviernos de la "izquierda" tanto nel Principáu como nel Ayuntamientu de Xixón. Pa mayor escarniu de la cultura asturiana, los dineros destinaos a engordar esta rede clientelar privada con ánimu de lucru fueron destinaos dende los presupuestos respectivos de "Cultura" tanto de les Conseyeríes de Cultura sucesives como de la Conceyalía del Ayuntamientu de Xixón nos años del goviernu del PSOE ya IU. La cabera conseyera de Cultura del PSOE anguañu alcuéntrase siendo investigada por instancies xudiciales por presuntos delitos de corrupción. Nesti sentíu la policía xixonesa reiteró que durante los díes de cellebración de la folixa de la "Selmana Prieta" siemrpe aumenten sobremanera los índices de delincuencia na ciudá. Munchos són los ciudadanos y ciudadanes asina como asociaciones cíviques contrarios a esta feria pagada con abondu dineru públicu y xestionada por un individu que cobra encima a toles empreses participantes. Otros munchos esperen que nel futuru la política cultural tenga otres prioridaes y otros intereses más enfocaos en que los dineros públicos de los asturianos y asturianes sirvan pa fomentar y difundir arrentes la cultura del País Asturianu y non pa engordar les cuentes corrientes de xente foriato y de los prebostes d'amigos qu'interesadamente arrodien a esti empresariu mexicanu. Reclamen tamién una mayor y meyor financiación pública de toles instituciones y polítiques destinaes a preservar el patrimoniu asturianu, la llingua y la cultura propia y específica d'Asturies.
Entradas
