Entama en Madrid l'octavu Cursu de Llingua Asturiana que tendrá llugar na Sala de Xuntes de la Real Fábrica de Tabacos allugada na rúa Embaxadores 53. Nesta ocasión el cursu tratará de ser un taller que trabayará sobre testos y técniques teatrales y competencia oral en situaciones comunicatives. El cursu entamará el 3 de payares. P'apuntase basta con mandar un email con datos de contactu a: cursu@wanadoo.es. La Real Fábrica de Tabacos ye un gran edificiu proyectáu por Carlos III, diseñáu pol arquitectu Manuel de la Ballina que se terminó en 1790 y qu'hasta hai poco pertenecía a la empresa estatal Tabacalera.
Entradas
