El goviernu municipal en minoría de Xixón de "Foro" que preside Carmen Moriyón ta obligando a utilizar la toponimia castiellanizada non oficial y anterior a l'actual en tolos servicios municipales d'autobuses urbanos, plataformes informatives y anuncios pa los ciudadanos contraviniendo la normativa. Asina, por exemplu los autobuses a El Cerilleru agora anuncien "Cerillero" y los de Les Mestes tan obligaos a cambiar otra vegada a la forma castiellanizada "Las Mestas". Ello ye motivu pa confundir a los ciudadanos y visitantes que s'atopen con una enguedeyada versión de topónimos oficiales n'asturianu nos mapes y castiellanizaos impuestos dende hai poco nos paneles informativos y autobuses como puede vese na semeya y que tornaos agora al castiellanu dende va poco confunden a los usuarios por completo. Amás munches parades de los mapes nun coinciden colos rótulos de les parades respectives lo qu'aumenta la confusión y tracamundiu de los topónimos y de los destinos. L'alcalesa Moriyón, más preocupada últimamente n'asistir a los toros y en practicar la medicina privada dende'l so cargu d'alcaldesa ye la responsable d'esti desastre y d'esti pasu atrás na normalización de la toponimia asturiana tradicional yá oficializada anteriormente. Les quexes nesti sentíu van a más nun partíu que govierna en Xixón como ye "Foro Asturias" qu'en llugar del nome d'Asturies paez más bien exercer de "Foro Castiella" dao'l pocu respetu y la imposición de los topónimos castiellanizaos nel conceyu de Xixón.
Entradas
