martes, 19 de enero de 2010

Celebróse'l centenariu del arquitectu asturianu Miguel de la Guardia











El pasáu llunes 11 de xineru tuvo llugar la celebración del centenariu del finamientu del xenial arquitectu asturianu Miguel de la Guardia (Hontaneda 1859 - Uviéu 1910) que foi l'arquitectu que dio personalidá propia a la capital asturiana a fines del sieglu XIX yá que foi arquitectu municipal del conceyu uvieín durante 30 años, cuasi tola so carrera profesional. L'arquitectura impactante de Miguel de la Guardia consiguió da-y a Uviéu un elegante aire cosmopolita, capitalinu y européu, qu'hasta entós carecía la ciudá, colos sos elegantes y bayurosos edificios con cúpules, arcos trunfales y fachades decoratives como'l pasaxe d'Uría, el Teatru Celso, la ilesia les Saleses o la suntuosa Casa de Conde y los sos elegantes palacios burgueses como los del marqués d'Aledo, el d'Anselmo González del Valle, el del Deán Payarinos y otros munchos más espardíos per Asturies como'l Capitoliu de Grau. Tamién diseñó los mercaos de fierru d'Uviéu y el de Mieres asina como'l templu de la música del Campu San Francisco, ente otros munchos proyectos.
La cellebración tuvo llugar na Xunta d'Escritores Asturianos mediante una ponencia desplicada por Xaviel Vilareyo pronunciada na torre-observatoriu del Palaciu Villa Madalena, diseñáu por Miguel de la Guardia en 1902 por encargu del comerciante Victoriano Campomanes.










XUNTA D'ESCRITORES ASTURIANOS 2010 - semeyes de los actos



LLUNES 11 XINERU:






MARTES 12 XINERU:






MIÉRCOLES 13 XINERU: