Areces pretende siguir governando Asturies a través de los xiringuitos socialistes

L'anterior presidente del goviernu de la Comunidá Autónoma del Principáu d'Asturies Vicente Alberto Alvarez Areces pretende nun dexar el cargu y siguir activu na política a través de la xestión d'entidaes, organismos y fundaciones paraleles socialistes, popularmente conocíos como los "xitinguitos socialistes", como ye'l casu de la Selmana Prieta, Niemeyer, Llaboral Ciudá de la Cultura, Recrea S. A., Prehistoria S.A. y abondes más y siguir na midida lo posible governando Asturies cola xestión d'unos grandes presupuestos que xeneren toes estes entidaes semiprivatizaes y que se conviertieron en reductos del poder socialista n'Asturies. La idea ye crear una macro estructura que manexe abondos fondos y dineru pa siguir alimentando toa una rede clientelar d¡'intereses socialistes y d'amigos, n'abondos casos alrodiu la política "cultural", controlando asina una especia de gran "Conseyería de Cultura y Turismu" del PSOE paralela y fuera del control públicu pa poder siguir aofndando na so política de deconstrucción d'Asturies y de tolo asturiano llevada alantre toos estos pasaos años, importando y trayendo de fuera pa ello tolo que seya posible y marxinando la llingua asturiana. La imaxe del ex-presidente cortando la cinta inaugural de la nomada "Selmana Prieta" cuando él yá nun ye autoridá pública nenguna, significó pa unos una chulería propia del personaxe y pa otros significó un total ridículu qu'enfadó sobremanera al actual partíu governante. Esa ye la prueba de que'l veteranu políticu nun quier retirase de la xestión de la cosa pública y nun abandonar a una pléyade de conmilitones que lu apoyaron nel so control personal del poder y del partíu, pa poder siguir repartiendo prebendes ente los sos allegaos. Otros apunten que la idea del ex-presidente ye nun dexar la política y siguir postulándose como cantidatu a la presidencia d'Asturies, dao'l pocu altor políticu y les poques ambiciones del actual cabezaleru sopcialista, Javier Fernández de cara a futures convocatories electorales, que permitiría tornar a Alvarez Areces a aspirar a postulase pa futuros mandatos. Pa esta estratexa siguir governando a través de la rede d'organismos socialistes paralelos ye fundamental pa les ambiciones del arecismu n'Asturies, que se resiste a dexar los estertores del poder.