El llibru "Lliteratura asturiana, identidá y nación" que yá ta a la venta contién les ponencies de la Xunta d'Escritores Asturianos 2010, celebrada los díes 11, 12 y 13 de xineru del 2010 nel Palaciu Villa Madalena d'Uviéu. Con 230 páxines, el llibru recueye les conferencies d'estos alcuentros lliterarios qu'intentaron analizar les relaciones ente nación y lliteratura nel casu asturianu y cómo los aspectos identitarios afecten al fechu d'escribir nuna llingua minorizada como l'asturiana y los medios pa superar cola lliteratura esta situación de desventaya asina como l'usu que puede facer l'escritor de los temes identitarios a la hora d'escribir y buscar inspiración pal so trabayu como creador.
El llibru "Lliteratura asturiana, identidá y nación" presentóse'l 1 de marzu del 2012 na Biblioteca del Campu San Francisco d'Uviéu, cuntando cola presencia de Llucía Fernández Marqués d'Espublizastur y de Xaviel Vilareyo. El volume recueye trabayos escritos d'Helena Trexu, Javier Cubero, Ánxel Nava, Xaviel Vilareyo, Pablo Martínez Testa, Dorita García ya Inaciu Galán y termina con una amuesa poética de la Tercer Xeneración del Surdimientu (1967-1982) y con una riestra de semeyes de los participantes.
Entradas
