L'asturianofobia de los socialistes paez centrase agora nos vieyos horros asturianos, a los que consideren como un símbolu de l'asturianidá, al igual que la llingua asturiana y por ello, la so política d'abandonu y destrucción decidida d'estos dos elementos culturales del pueblu asturianu. Por ello piden, ente otres, la dimisión del conceyal de cultura, el gallegu Justo Villabrille y del responsable socialista de Cultura del Principáu Fernández León. Tamién denuncien la inoperancia ya ineptitú del conceyal d'IU de cultura asturiana en Xixón.
Asociaciones y partíos políticos califiquen d’escandalosa la destruición del patrimoniu etnográficu asturianu, horros nesti nuevu casu, que tan llevando alantre la Conseyería Cultura del PSOE y l’Ayuntamientu Xixón cola so dexadez y connivencia.
Nun ye casualidá que solo nel Conceyu Xixón desapaezan más de media docena horros y paneres en menos d’un añu, comuo son los conocíos casos de San Andés de los Tacones y agora en Tremañes. Metantu, les instituciones obligaes a protexer por llei estos elementos etnolóxicos asturianos singulares, promueven la so destruición.
Entradas
