L'obispu de Güesca y Xaca, el madrileñu Jesús Sanz, va ser arzobispu d'Uviéu, una diócesis qu'algama a los territorios de Les Asturies, Lleón, Astorga, Campoo y Valpuesta. Diversos medios ficiéronse también ecu d'esti nomamientu y de que pañará posesión del mesmu el próximu mes de xineru. Jesús Sanz nació en Madrid en 1955 y ye un obispu mozu, franciscanu, que cuenta col apoyu del conservador Rouco Varela. Jesús Sanz, de 54 años, ye unu de los más mozos obispos d'Hespaña. Realizó estudios d'Economía y Derechu Mercantil y trabayó al mesmo tiempu na banca privada. En 1975 comenzó los estudios eclesiásticos nel Seminariu Conciliar de Toledo, y en 1981 ingresó na Orden Franciscana. Recibió la ordenación episcopal en 2003, na Catedral de Güesca. El pasáu mayo nomáronlu Comisariu Pontificiu de Lumen Dei, con dos comunidaes nes Asturies. La diócesis eclesiástica d'Uviéu creóla Alfonsu II nel añu 802 col afitamientu de la nueva capital del Reinu d'Asturies. La diócesis d'Uviéu algamaba dende'l ríu Eo al ríu Miera onde entamaba la diócesis de Valpuesta. L'obispáu d'Uviéu sustituía al anterior de Britonia nesi mesmu añu 802 y el primer obispu d'Uviéu foi Adulfo (802-812).
Entradas
