La gaita asturiana n'Asturies de Santiyana

La gaita asturiana ye l'instrumentu musical nacional más representativu d'Asturies. Tamién por ello igualmente lo ye d'Asturies de Santiyana, especialmente de la so parte más occidental, formada polos valles del Nansa, Saja, Valdáliga y el llebaniegu valle del Deva. Dende hai dalgunos años amás vienen entamándose interesantes concursos de gaita asturiana como los de Pozu F.ondu en Sanander y notros conceyos. Dientro de la historia de la gaita asutriana n'Asturies de santiyana quizabes seya'l gaiteru Tonino Granda el más famosu y representativu de toos ellos. Antón Gándara naz nel añu 1891, nel pueblín de Casamaria (Valle de F.errerias). Durante la so mocedá trabayó de ganaderu, albañil y como carpinteru, hasta que nel añu 1915 merca la so primer gaita nún de los bares del pueblu. la so carrerac omo gaiteru entámala a los 24 años, nun dexando en tou momentu de tocar en tol tiempu llibre. A fuerza de tocar y tocar, consiguió deprender el manexu d'esti instrumentu y de manera autodidacta ellaboró un repertoriu amañosu y suficiente, pa empezar a tocar como gaiteru profesional nos pueblos de la redolada, cercanos al suyu, comenzando a dase a conocer por esti oficiu. Casó con Milagros Villar, vecina tamién de Casamaría, y llueu marcharon vivir a Merodiu. Alló tuvieron varios fíos, dalgunu d'ellos, de nome Pepe y Tonín, tamién acompañaben al padre col tambor, peles fiestes y pueblos que-yos solicitaben. Na década de los años 40, Tonino trasladóse cola familia al Valle de Polaciones, continuando cola xera de gaiteru profesional, nesi y notros valles asturianos limítrofes. Llegando a tocar en varies ocasiones nes fiestas de Cervera de Pisuerga (Palencia). Tonino Gandara “el gaiteru de Casamaria”, morrió en 1962. Nun dexando de tocar la gaita, ellí onde-y lo pidieren, hasta l'últimu de los díes de la so vida.

Asturies de Santiyana y especialmente La Llébana ye una tierra gaitera rica en tradiciones, ente elles destaca sobremanera la tradición de los gaiteros de la música tradicional asturiana de gaita y tambor. Dende los gaiteros más antiguos del sieglu XIX de los que se tien noticia como'l míticu gaiteru Tonino Gándara, el gaiteru Casamaría, Domingo Félix, Ángel Gonzalez de Roza, Florencio Prado, Macario de Valdepráu, Francisco Torre, ente otros hasta los más modernos del sieglu XX como Santiago Conde, Pedro de Valdáliga, Carpio de Peñarrubia, Carpio de La Hermida, Marcelino de Camaleñu, José González de Rionansa, Romualdo de Cillórigu, Suárez de Cabanzón, Francisco García "El Ciegu", Toñín Gándara, Vicente de Caloca, Manuel el Chalaneru, Santiago de San Andrés, Roger Guerra, Toñín y Ramón Sierra, Paco de San Pedro, Cantora, Vicente de Caloca. La Llébana tamién ye una tierra de tonadas. Nos últimos años vienen destacando sobremanera los cantantes de tonada Sergio Argüero de Torlavega y el so hermanu, Aurelio Ruiz y Julián Revuelta, el Malvís de Tanos.

Otru de los gaiteros históricos d'Asturies ye ensin dulda Domingu Félix, nomáu ”Mingu el Portugués” debío al orixe de so apdre. Él naciera en 1904 nel pueblu llebaniegu d'Ojedu (Valle de Cillórigu). Foi aiteru profesional, actuando cola gaita assturiana dende principios del sieglu vente hasta los años 1950 del mesmu sieglu. Foi un famosu gaiteru llebaniegu, que yera tou un virtuosu del instrumentu, llegandose a dicir d'él, que sobrepasaba tocando en calidá al importante gaiteru Manolo Rivas. Acompañóse al tambor primero por un hermanu suyu, y ya posteriormente pol so fíu José María, tocando en gran númberu de fiestes de tola Llébana. Moriió nel año 1956 en Riañu (Lleón), a los 52 años d'edá, nun accidente llaboral, mentantu facía llabores de canteru.
Florenciu Prado foi otru gaiteru profesional bien conocíu. Nació en Valméu (Valle de Cerecea-Llébana) nos años 1920. Florencio Prado ye unu de los grandes gaiteros llebaniegos, siendo recordáu pol so virtuosismu, buen gustu y llimpieza a la hora de tocar. Fue acompañáu siempre al tambor por algunu de los sos hermanos, por toles fiestes y romerias de Llébana. Intercalaba la gaita col clarinete, instrumentu que tamién tocaba, amás del laud, emigrando hai unos años pal País Bascu.

Francisco González, conocíu como “Paco el de San Pedru”, natural del Val de San Vicente foi otru escelente gaiteru profesional. Nació a principios del sieglu vente, y pronto despertó nél el gustu pola gaita, viendo tocar a “Cantora”, gaiteru del so mesmu pueblu. A los 28 años ya yera un afamáu gaiteru y yera contratáu en fiestes y bailles, como los de Pimiangu (Ribedeva), llugar onde conoció a la muyer Sofía González, casandose y estableciendo la residencia nesta localidá, intercalando la so profesión principal de gaiteru, cola de ganaderu y ferreru. Foi acompañáu al tambor por Manuel Rodolfo Cabezas “Ofo”, natural de Pimiangu. Siguió tocando la gaita de forma habitual, hasta poco antes de fallecer.

Francisco Torre García nació en Villanueva de Labarces (Valdáliga). Foi un gaiteru aficionáu de principios del sieglu vente. Padre del tamién gaiteru Leoncio Torre. Nació nel añu 1899, comenzando en so mocedá a fabricar flautes de cañes y punteros de madera de xabú, que tocaba a manera de dulzaina. Cuando tenía 23 años llegó a fabricase una gaita entera de madera de xabú. Llegó a gozar de buena fama como instrumentista, siendo solicitáu por vecinos y xente del pueblu y los alrededores, p'amenizar fiestes y romeries. Posteriormente compró una gaita en Villaviciosa, gallega de tipu “tumbal”o “roucadora”, afinada en Sí bemol. Dél tenemos referencies como gaiteru nun artículu del año 1971 de la REVISTA DE FOLKLORE, nel que consta que'l so repertoriu como gaiteru taba formáu por xotes y melodíes tradicionales d'Asturies de Santiyana. Consiguió inculcar el gustu de la gaita al so fíu Leoncio Torre.

José María Díaz tenía el nomatu de ”El Pollu”. yera un gaiteru aficionáu nacíu en Bustriguáu (Valdáliga). Alcontramos referencies a esti gaiteru nun artículu de la REVISTA DE FOLKLORE , fablando que sobre l'añu 1971, esti gaiteru yera conocíu por ser un buen instrumentista y ser reclamáu polos vecinos y xente de los pueblos de la redolada pa animar fiestes y romeríes. Dél tamién se diz nesti artículu, qu'empezó fabricando flautes de caña y posteriormente punteros de madera de llimonal y xabú, que tocaba a modu de dulzaina.

José Pérrez, “Cantora, El gaiteru de San Pedru”. Foi un gaiteru progesional nacíu en San Pedru de las Baheras, nel conceyu de Val de San Vicente. Esti gaiteru, foi na adolescencia tamboriteru de Julián López “Candolías”. Con él como maestru, deprendió a tocar la gaita; esto ocurría a mediaos del sieglu vente. Dende mui mozu fízose gaiteru profesional, llegando a tocar durante 50 años, per toda Asturies de Santiyana y Llébana. Morrió enforcáu na cárcel de Potes n'estrañes circunstacies, siendo todavía gaiteru n'activu y con una reputación como músicu estupenda. Un fíu de “Cantora”, Rafael, foi tamién, aparte d'acompañante al tambor, un gaiteru mui conocíu, exerciendo l'oficiu dende principios del sieglu vente, hasta los años 30, cuando emigró pa México.
José Serna, ”Gaiteru y tamboriteru de Piasca”.Naz en 1924, en Piasca (Cabezón de Llébana). Principalmente acompañó al gaiteru Macario “El Pastor de Tudes”. Tamién formó pareya con Tonino Gandara ” El gaiteru de Casamaría”, cuando esti vivía nel valle de Polaciones, y col gaiteru Roger María Guerra de Tama (Cillorigu de Llébana). Tamién tocaba la gaita si lo pidíen nalgún pueblu de Llébana, siendo acompañáu al tambor pol so hermanu Moises Serna, esistiendo fotos onde acompaña cola gaita al “Chaval de Cabuerniga”.

José Suárez Bárcena. ”Suárez, el gaiteru de Cabanzón”. Gaiteru profesional nacíu en Cabanzón (Valle de F.errerias). Esti importante gaiteru nació nos primeros años del sieglu vente. Adquirió la so primer gaita na adolescencia, tando en San Vicente de la Barquera onde la cambió por un perru de caza. Col oyíu y los deos entrenaos de tocar con una flaura de cañavera, rapidamente deprendió'l manexu d'esti instrumentu, entamando depués d'un periodu de deprendizaxe a tocar xunto al so sobrín de doce años, José Sordo, per tolos pueblos del entornu, tamboriteru esti, que lu acompañaría el restu la vida. La gaita foi el sustentu de la so esposa y de los ocho fíos; la fonte d'ingresos económicos de Suárez provenía basicamente del so oficiu de gaiteru, y en muncha menor midida del so trabayu con un pequenu númberu de tiestes de ganáu de propiedá suyo y la xestión como alministrador d'unes finques que la familia Gómez Acebo tenía en Cabanzón. Xunto col so tamboriteru percorrieron numberoses fiestes y bailles de toda Asturies de Santiyana. Destacó como constructor de payueles, poniendo a puntu les gaites de los gaiteros inespertos. Él mesmu construyía los fuelles de les gaites col pelleyu de los cabritos que mataba por encargu pa los vecinos. Morrió nel añu 1981, nun dexando de tocar hasta diez años antes de morrer.

Macariu Villanueva, “El pastor de Tudes” foi otru de los grandes gaiteros asturianos profesionales. Nació en Los Cos, nel Valle de Valdepráu en Llébana.. Combinó tola so vida l'oficiu de pastor, cuidando ganáu ovinu de los vecinos de Tudes, col de tocar la gaita en toles fiestes llebaniegues. Deprendió de guahe a tocar una flauta de picu, fecha del guesu de l'ala d'un utre y depués na adolescencia, deprendió el manexu la gaita nel puertu mientres llendaba'l ganáu. Morrió na década de los años 1960 del sieglu vente, nel hospital de Sanander. Hai referencies escrites sobre él tocando la gaita en fiestes llebaniegues del añu 1914, publicaes en “La voz de Liébana”.

Moisés Serna ye tamboriteru. Naz el 25 de payares de 1934, en Aceñaba-Piasca (Cabezón de Llébana). Fíu de panderetera y hermanu de tamboriteru y gaiteru, comenzó a tocar el tambor con 6 años, acompañando al gaiteru Macariu Villanueva, hasta los 10 años solo tocaba con él, pero a partir d'esta fecha, comenzó a acompañar a otros gaiteros llebaniegos, hasta qu'apareció Florencio Prado y solo lu acompañaba a él. Cola muerte del padre, Moisés y xunto cola madre marchen a vivir a Torlavega. Allí abandona el tambor durante dos décadas y dedicase a trabayar como encofrador. A mediaos de los años 70, vuelve a tocar el tambor, conociendo al gaiteru Santigo Conde, que nesos momentos reside en Sanander. Lleguen los años 80,y participa en el I Festival de Cóbreces, onde apaecen gaiteros como García-Oliva, Lolo el del Monte, José Luis “el de Mazcuerras”, y Jose Angel Velasco, fíu esti últimu de Fernando Velasco Zabala, gaiteru y constructor de gaitas, de Puente San Miguel, que tocó en toles fiestes que lu llamaben acompañado pol so fíu. A mediaos de la década de los 1990, forma parte del grupu MACARIO, xunto con Roberto Diego, Nacho García y Miguel Cobo. Tocando en gran cantidá de fiestes de toa Asturias de Santiyana. Posteriormente entraron nel grupu el gaiteru Sergio Sordo y la panderetera Lorena. Anguañu tá xubiláu, pero sigue lligáu a la música tocando en dalguna boda xunto a Sergio Sordo. Forma parte del xuráu del concursu de folclor asturianu POZU F.ONDU de Sanander, nel separtáu de tambor y gaita. Amás collabora con grupos como Atlántica, Coro ronda Altamira. Grabó un discu col gaiteru Sergio Sordo. Dél dizse que ye'l meyor tamboriteru d'Asturias de Santiyana. Y si lo dicen los de la so mesma profesión, por algo será. Historia viva del tambor, de la gaita y del folclor d'Asturias de Santiyana.

Otru vieyu gaiteru ye Santiago Conde, de Piñeres (Valle de Peñarrubia). Gaiteru semiprofesional que naz nel añu 1926 y hereda el gustu pola gaita del padre Andrés Conde. Siendo ya adultu trasladase a vivir a Sanander, onde trabaya nuna carpintería suya. Nesta época ye cuando conoz al tamboriteru Moisés Serna. Aparez mencionáu como “un gaiteru de reconocios méritos “nun artículu del año 1982 de la REVISTA DE FOLKLORE, actuando tamién nos años 80 nuna exhibición de folclor, cellebrada en Torlavega y organizada por café “El Dromedario”. Nel añu 2008 organizóse-y un memorial, coincidiendo col primer certamen de gaita del Valle de Peñarrubia.

Santiago Miguel Corral nació un 18 de payares de 1932, en San Andrés (Cabezón de Llébana). A los 12 años comienza a aprender a tocar la gaita xunto a un maestru gaiteru, empezando en 1945 a actuar en fiestes de Llébana, cobrando 150 pesetes que repartía col so tamboriteru. Tamién tocó durante 30 años el curdión, amenizando con él tamién muches fiestes, retomando la gaita en la década de los años 1970. Retiróse nel añu 2005, pero sigue tocando pa los amigos en bares. Ye artesanu constructor de gaitas, las cuales fabrica n'Ojedu onde reside actualmente. Actuó en festivales como'l Sauga Folk, de Colindres, o el de Castañeda. Participando na grabación de dos CD’s colectivos de dichos festivales. Ye unu de los pocos gaiteros “antiguos”, que queden vivos. Símbolu vivu de la gaita en Llébana y en toa Asturias de Santiyana.