Nuevu métodu pal deprendizaxe del asturianu oriental

Acaba salir al mercáu un nuevu métodu pal deprendizaxe de la llingua asturiana, nesti casu de la variante oriental del asturianu. El llibru entitúlase:"Apuntes Generales sobre El Patrimonio Lingüístico Cántabro" (2010), del que ye autor Bernardo Colsa. Con tamañu de 30x21 cm, con 82 páxines a tou color, esti nuevu llibru tien una clara vocación didáctica, yá que vien en forma de cuadernu prácticu con abondos exemplos y exercicios, editáu col apoyu de la Conseyería de Cultura Goviernu de Sanander, divulga de forma xeneral los oríxenes del patrimoniu llingüísticu d'Asturies de Santiyana y Tresmiera, les sos característiques de fonética, fonoloxía, mofosintaxis y morfoloxía léxica, les sos variantes, la influencia del asturianu nel castiellanu, la toponimia, la lliteratura n'asturianu, la so posición dientro del sistema llingúísticu asturianu y la representación d'estes peculiaridaes lligüístiques nes obres d'escritores costumistes. Incluye tamién una selección d'artículos d'opinión. El llibru nun pretende ser un métodu normativu sinón que vien a sumase a la yá llarga llista de llibros, diccionarios y publicaciones sobre l'asturianu oriental pa que sirva de base afayadiza pa tolos mayestros y pa tolos interesaos na conocencia o afondamientu del nuestru idioma asturianu.