Gran éxitu nuna nueva y masiva manifestación pola Oficialidá de la llingua asturiana

Una nueva y masiva manifestación pola Oficialidá de la llingua asturiana tuvo llugar el vienres 7 de mayu pasáu pela avenida principal d'Uviéu, la cai Uría, que finó nun gran actu qu'enllenó'l teatru Campoamor de la capital de Les Asturies. La participación na manifestación foi masiva, y pessie al mal tiempu, miles de ciudadanos asturianos de toles ideoloxíes diéronse cita una vegada más nes cais d'Uviéu pa reclamar ún de los derechos fundamentales del ser humanu, la reconocencia oficial de la llingua propia del país, l'asturianu, por aprte de los poderes públicos. Abondes personalidaes polítiques y públiques y abondos representatnes de la cultura y les artes axuntáronse un añu más nesti actu reivindicativu que terminó col actu de l'Academia de la Llingua Asturiana nel Teatru Campoamor, col discursu de la presidenta de l'Academia que dio la bienvenida a un nuevu académicu, Nicolás Bartolomé y que pronunció un discursu reivindicativu sobre la necesidá d'atopar una salida al problema llinguísticu asturianuq ue nun ye otru que la ofiicalidá de la llingua