Julio Martínez y Miguel Fernández consiguen que Les dos Asturies triunfen nel 73 descensu internacional del ríu Seya na categoría de k2. L'autrigón Julio Martínez y el lugón Miguel Fernández establecieron amás un tiempu récord de la prueba con un tiempu de 1 hora, 1 minutu y 14 segundos.
La xuntura victoriosa de Les dos Asturies consigue un nuevu triunfu nel Seya. Los palistes d'Uviéu y Sanander remando xuntos nuna mesma meta, representen la xuntura y la fuerza d'una sola nación: Les Asturies.
La edición númberu 73 del Descensu Internacional del Seya, disputada entre Les Arriondes y Ribeseya, foi una auténtica exhibición de los dos asturianos, que fueron dominadores absolutos d'una carrera que lideraron con autoridá dende la salida.
El primer puestu que deparó el sorteu de salida a Martínez y Fernández Castañón ya vaticinaba un descensu cola pareya formada polos dos asturianos d'Uviéu y de Sanander, como destacaos favoritos colos k-2 de los tamién asturianos Manuel Busto y Emilio Llamedo y los palentinos Jorge Alonso y Santi Guerrero ocupando puestos de partida superiores al vixésimu.
Entradas
No hay comentarios:
Publicar un comentario