"Asesinaron a unu" y "K" ganen nel 4u Festival CinegailesAST 2009

La película alemana "Asesinaron a unu", del director berlinés Tor Iben y el curtiumetraxe "K" del brasileñu Juan Simons son les obres ganadores d'esta cuarta edición del Festival de Cine Gai y Lésbicu d'Asturies - CinegailesAST 2009. El premiu al Meyor Documental foi pa "Homo baby boom" de la catalana Anna Boluda, un reportaxe sobre les pareyes gai-les qu'adopten fíos legalmente. El premiu a la Meyor Actriz foi pa María Xesús Rodríguez por "La vocación" y el Meyor Actor foi pal protagonista de "K" Miguel Ángel Jiménez. El Premiu d'Honor foi pal director norteamericanu Gus Van Sant.

"Asesinaron a unu" (Tor Iben, 2009) ye una recién producción alemana sobre un mozu al qu'ataquen nel parque central de Berlín buscando ligue y que va namorase del so agresor. El curtiumetraxe "K" (Juan Simons, 2005) ye una historia d'amor nuna ciudá rutinaria y opresora ente un gai y un bisexual.