El primer campanu d'Asturies sal nel Ríu Nansa

Roberto Gutiérrez, de 34 años, foi el pescador qu'echó per tierra al primer salmón de la temporada pescáu n'Asturies. Foi nel cotu 'El Bejar' del ríu Nansa nes Asturies de Santiyana. La pieza pesó 5,470 kilos, pola que Antonio Núñez, dueñu del restorán Bar del Puerto, en Santander, pagó-y 2500 euros. Esti campanu tamién lo foi de tol Cantábricu. El salmón lu pañó Roberto alredor de les trés la tarde, prácticamente hora y media depués d'echar la caña a cuchariella. La pieza picó'l señuelu nel nomáu 'pozu Bejar' y los sos compañeros de cuadrilla Ángel Fernández y Román Gutiérrez, ayudáronlu pa concluir el trabayu. El salmón, según señalen, carez de 'chip' ye de repoblación. Ésti ye'l segundu 'campanu' qu'obtién Roberto, criáu en Vargas a la vera del ríu Pas y fíu de dos grandes pescadores como Román y 'Gelín el Pasiegu', resspectivamente. L'anterior sacólu en 2001, nel tramu abiertu del Pas en Renedu. La tradición de pescar el campanu ye mui popular y enraigonada en toles Asturies y esta vez l'honor de pescar el primer salmón d'Asturies ye pal Ríu Nansa y pal pescador pasiegu Roberto Gutiérrez.