El goviernu Raxói prevé resucitar les Diputaciones asturianes.

Escudu de les anteriores provincies asturianes d'Uviéu y Sanander

El goviernu hespañol de Raxói ultima un proyectu pa recuperar les suprimíes Diputaciones provinciales asturianes d'Uviéu y de Santander dientro d'un plan de reforma de los entes locales. Les Diputaciones d'Uviéu y de Santander resucitaríen asina, llueu de suprimiles les Comunidaes autónomes respectives en que se camudaron, pa facer d'elles unos entes supralocales que xestionaríen de forma más eficiente y barata les competencies de tolos ayuntamientos asturianos inferiores a 20.000 habitantes, que són per otru llau la inmensa mayoría d'ellos. Sólo los d'Uviéu, Xixón, Sanander, Torlavega, Sieru, Mieres, Avilés, Castriyón o Llangréu siguiríen exerciendo les competencies municipales, le restu de conceyos asturianos pasaría a tar xestionáu poles Diputaciones d'Uviéu y Sanander como entes supramunicipales inferiores en tou casu y supeditaos fiscalmente a la financiación de les Comunidaes autónomes de Principáu y de Cantabria.

La Provincia d'Asturies de Santiyana suprimióse en 1834 pa convertise en Diputación Provincial de Santander qu'en 1981 a so vez suprimióse pa convertise en Diputación Rexonal de Cantabria. La Xunta Xeneral del Principáu suprimióse tamién en 1834 pa dar pasu en 1835 a la Escelentísima Diputación Provincial d'Uviéu que camudó en 1980 en Comunidá Autónoma de Principáu d'Asturies. Agora la historia de les instituciones polítiques asturianes torna al pasáu pa recuperar les anteriores Diputaciones, herederes éstes de les perantigües Xuntes Xenerales de les Asturies d'Uviéu que tenía sede na Sala Capitular de la Caatedral uviedina y la Xunta d'Asturies de Santiyana que tenía l'asitiamientu en Bárcena de la Puente durante varios sieglos.