Evaristo Martínez-Radío falará de la llucha de los asturianos escontra Napoleón na Xunta d'Escritores Asturianos 2012.

Evaristo Martínez-Radío ufiertará una interesante disertación sobre la llucha de los asturianos escontra los exércitos de Napoleón nel periodu 1808-1812, dientro de la Xunta d'Escritores Asturianos 2012, actu que tendrá llugar esti próximu vienres 2 de marzu nel Salón de la Biblioteca del Campu San Francisco d'Uviéu a partir de les 16,30 de la tarde. Evaristo Martínez-Radío ye Doctor n'Historia y profesor d'Historia de la UNED. Recibió nel 2007 el Premiu Patac d'ensayu por un trabayu sobre la Guerra d'Independencia n'Asturies yá qu'él ye un reconocíu espertu na historia política y militar d'Asturies.

XUNTA D’ESCRITORES ASTURIANOS 2012

PROGRAMA

XUEVES 1 MARZU

-16 h. Presentación del llibru “Lliteratura asturiana, identidá y nación”. Actes de la Xunta d’Escritores Asturianos 2010.

- 16,30 h. A la solombra del Surdimientu, por Ánxel Álvarez Llano.

- 17,30 h. Barruntos y condiciones pal xorrecer d’un ensayu en clave nacional, por Carlos X. Blanco Martín.

- 18 h. Presente y futuru de la enseñanza del asturianu, por Xosé Lluís Colodrón Ardura, Responsable de la Secretaría de Llingua Asturiana del sindicatu SUATEA.

- 19 h. Presentación del llibru “Les Asturies y el nacionalismu bascu” de Xaviel Vilareyo, cola intervención de Llucía Fernández Marqués.

- 19,30 h. El modelu llingüísticu n’asturianu, por Xaviel Vilareyo y Villamil.

VIENRES 2 MARZU

- 16 h. Presentación de la obra narrativa de Xuan Carlos Crespos Lanchas y alcuentru col públicu sobre’l so procesu creativu.

- 16,30 h. Ciudadanos asturianos escontra Napoleón, por Evaristo C. Martínez Radío.

- 17,30 h. Presentación del llibru “El patrimonio lingüístico cántabro”, Goviernu de Cantabria – ADIC.

- 18 h. L’estremeñu y la su literatura, por Ismael García Carmona.

- 19 h. Alderique sobre la situación de la llingua fuera les llendes alministratives de la Comunidá Autónoma del Principáu d’Asturies.

LLUNES 5 MARZU

- 17 h. El cultivu del maíz nel conceyu de Xixón, por Beatriz Rato Rionda.

- 17,30 h. Política y arqueología: Roma, godos y Reyes Católicos, la santísima trinidad de la historiografía centralista, por C. J. de la Sala González.

- 18, 30 h. Cine y literatura, la traición necesaria, por Miguel Losada, Director de la Sección de Cine del Ateneo de Madrid.

- 19 h. Mesa redonda sobre la situación del cine n’Asturies. Intervienen: Alfonso S. Suárez, Sofía Menéndez, Geno Cuesta, Juan Gona y Miguel Losada

- 20 h. Pieslle de la Xunta d’Escritores Asturianos 2012.