Orlando Gómez saca a la lluz el su primer trabaju nun géneru tan propiu como la puisía n'asturianu oriental, Cancia la cabaña vividora. La obra presenti está acaldá a mou de haicus, peru filando tous una hestoria d'escomienzu y acabación al sen de la muda d'estacionis. Una hestoria de fondos sentimientus y amurriás alcordanzas. El libru es un conjuntu de poemas que se socedin filando una hestoria que tien muchu d'autubiográficu y que al mesmu tiempu conecta cona probremática d'una generación. Nesti libru, hai sentimientus desperimentaos duranti'l cambeu drásticu d'una sociedá rural a otra más urbanita y tenocrática, procesu nel que tuvu gran enfluencia tiner que dejar la muestra tierra pa trebajar u estudiar, mientres muestrus recursus y formas de vida abandonábanse.
Angunus renuncian a triunfus u comodidaes por golver a los pueblos, y cuando lo consiguierin van pispiando destintas formas de solidez porque ya náa es comu enantis, porqui la ideya que tinian de la tierra yá solu desisti ena su menti: el paisaji se destruyi, ainas s'alcuentra genti con quin confraternizar, pocus s'identifican cona su tierra, pedromina l'interes ecolómicu a los valoris traidicionalis y aborrecensi las formas de vida sellencas.
Nesti contestu, el protagonista supera la su congoja desistencial e intenta aclimatasi a los nueus tiempus y echar raícis redescubriendo los valoris que perduran nel muestru solar.
El titulu "Cancia la Cabaña Viviora", despresa'l anjéu vital d'alcontrar un esgonci
ondi "aselasi" dimpués d'una vida de viajis y labarientus, escacijando raícis y sen a la desistencia. Esti viaji iniciase nun remanecer primoveral de la mozandá y tremina a la final d'un tardiu ena madurez. L'autor intenta arrecuperar tréminus asgaya, qu'eran d'usu común faz dos u tres décadas, y hui nu tantu: borona, sobráu, dalle, morrina, churracamas, sinciu, alampar, cambáa...
La Cabaña Viviora está escrita'n haikus, poema japonés brevi y cenciu. El haiku nu trata de contilisquiar náa, más bien sugier, encita u provoca, dejando'l sen de que "angu falta", de "que'l mensaji nu está compretu", y esti presuntu vacíu se combla de magia puética, cuando deja entrar nel, la maginación u la pura intuición del letor, cómplici del su asganzi u sinificáu.
Cáa poema tien un mensaji sellencu, u unidá de conteniu.
Angunus renuncian a triunfus u comodidaes por golver a los pueblos, y cuando lo consiguierin van pispiando destintas formas de solidez porque ya náa es comu enantis, porqui la ideya que tinian de la tierra yá solu desisti ena su menti: el paisaji se destruyi, ainas s'alcuentra genti con quin confraternizar, pocus s'identifican cona su tierra, pedromina l'interes ecolómicu a los valoris traidicionalis y aborrecensi las formas de vida sellencas.
Nesti contestu, el protagonista supera la su congoja desistencial e intenta aclimatasi a los nueus tiempus y echar raícis redescubriendo los valoris que perduran nel muestru solar.
El titulu "Cancia la Cabaña Viviora", despresa'l anjéu vital d'alcontrar un esgonci
ondi "aselasi" dimpués d'una vida de viajis y labarientus, escacijando raícis y sen a la desistencia. Esti viaji iniciase nun remanecer primoveral de la mozandá y tremina a la final d'un tardiu ena madurez. L'autor intenta arrecuperar tréminus asgaya, qu'eran d'usu común faz dos u tres décadas, y hui nu tantu: borona, sobráu, dalle, morrina, churracamas, sinciu, alampar, cambáa...
La Cabaña Viviora está escrita'n haikus, poema japonés brevi y cenciu. El haiku nu trata de contilisquiar náa, más bien sugier, encita u provoca, dejando'l sen de que "angu falta", de "que'l mensaji nu está compretu", y esti presuntu vacíu se combla de magia puética, cuando deja entrar nel, la maginación u la pura intuición del letor, cómplici del su asganzi u sinificáu.
Cáa poema tien un mensaji sellencu, u unidá de conteniu.
Entradas
No hay comentarios:
Publicar un comentario