LA SO POLÍTICA LLINGÜÍSTICA FOI DE REPRESIÓN A LA CIUDADANÍA Y DE SUBVENCIÓN CLIENTELISTA A ENTIDAES, ASOCIACIONES, EMPRESES Y PERSONAXES POLÍTICAMENTE AVERAOS.
A llamáu de la Secretaría del Comité d’Espertos del Conseyu d’Europa pal siguimientu de l’aplicación de la Carta Europea de les Llingües Rexonales o Minoritaries, l’Aconceyamientu de Xuristes pol Asturianu, representáu per dos miembros de la so xunta direutiva, Xilbertu Maire y Xurde Blanco, aconceyó ayeri en Madrid con dellos miembros del mentáu Comité d’Espertos pa informar sobre la política llingüística de los gobiernos español y asturianu no que cinca a la proteición de les dos llingües propies del Principáu d’Asturies, l’asturianu y la fala eonaviega.
Pal Aconceyamientu de Xuristes pol Asturianu –y asina lo tresmitió al Conseyu d’Europa- la política llingüística nos caberos 12 años n’Asturies llendóse a reprimir l’emplegu de les llingües asturianes pela ciudadanía y subvencionalu en manifestaciones folclórico-culturales entamanaes per entidaes, asociaciones, empreses y personaxes del alrodiu políticu del gobiernu, nuna clara práutica clientelar.
Tres l’informe de les asociaciones cíviques –arriendes del Aconceyamientu de Xuristes pol Asturianu fízolo l’Academia de la Llingua Asturiana, la Xunta pola Defensa de la Llingua Asturiana y comprometióse a facelo per escrito la Fundación Caveda y Nava- taba emplazáu a ratificar el so previu informe escritu (calificáu de vergoñosu pelos representantes del Aconceyamientu de Xuristes pol Asturianu) el gobiernu d’Areces. Pa ello aportó a Madrid la Direutora Xeneral de Política Llingüística na compaña de dos funcionarios.
Enxunto col reproche al saliente, l’Aconceyamientu de Xuristes pol Asturianu encamienta al nuevu gobiernu d’Asturies una política llingüística racional y cenciella que favoreza l’emplegu social de la llingua y corte pela freba cola política clientelista que tien d’evidenciar énte la ciudadanía cuantificando, personificando y espublizando la retafila de subvenciones que nos caberos dolce años fizo’l gobiernu Areces, al traviés de la Direición de Política Llingüística.
A llamáu de la Secretaría del Comité d’Espertos del Conseyu d’Europa pal siguimientu de l’aplicación de la Carta Europea de les Llingües Rexonales o Minoritaries, l’Aconceyamientu de Xuristes pol Asturianu, representáu per dos miembros de la so xunta direutiva, Xilbertu Maire y Xurde Blanco, aconceyó ayeri en Madrid con dellos miembros del mentáu Comité d’Espertos pa informar sobre la política llingüística de los gobiernos español y asturianu no que cinca a la proteición de les dos llingües propies del Principáu d’Asturies, l’asturianu y la fala eonaviega.
Pal Aconceyamientu de Xuristes pol Asturianu –y asina lo tresmitió al Conseyu d’Europa- la política llingüística nos caberos 12 años n’Asturies llendóse a reprimir l’emplegu de les llingües asturianes pela ciudadanía y subvencionalu en manifestaciones folclórico-culturales entamanaes per entidaes, asociaciones, empreses y personaxes del alrodiu políticu del gobiernu, nuna clara práutica clientelar.
Tres l’informe de les asociaciones cíviques –arriendes del Aconceyamientu de Xuristes pol Asturianu fízolo l’Academia de la Llingua Asturiana, la Xunta pola Defensa de la Llingua Asturiana y comprometióse a facelo per escrito la Fundación Caveda y Nava- taba emplazáu a ratificar el so previu informe escritu (calificáu de vergoñosu pelos representantes del Aconceyamientu de Xuristes pol Asturianu) el gobiernu d’Areces. Pa ello aportó a Madrid la Direutora Xeneral de Política Llingüística na compaña de dos funcionarios.
Enxunto col reproche al saliente, l’Aconceyamientu de Xuristes pol Asturianu encamienta al nuevu gobiernu d’Asturies una política llingüística racional y cenciella que favoreza l’emplegu social de la llingua y corte pela freba cola política clientelista que tien d’evidenciar énte la ciudadanía cuantificando, personificando y espublizando la retafila de subvenciones que nos caberos dolce años fizo’l gobiernu Areces, al traviés de la Direición de Política Llingüística.
Entradas
No hay comentarios:
Publicar un comentario