La territorialidá asturiana, tema d'alderique de la Tertulia L'Ayalga

Esti xueves 3 de marzu, a les 20 hores nel Llar Social L’Ayalga, va celebrase un alderique de la recién estrenada Tertulia Enrique García-Rendueles. Nesta ocasión va falase de la territorialidá asturiana, pa lo que ta convidáu l’escritor Xaviel Vilareyo.

El mierense, autor del llibru ‘Los ámbitos de la Nación Asturiana’, va principiar l’alderique con una esposición del procesu pol que pasó Asturies a convertise nes nomaes provincies d’Uviéu y Sanander los recortes territoriales que se fixeron dende Madrid a favor de les provincies de Lleón y Lugo. Depués va tratase esti tema ente tolos presentes. La participación na tertulia, qu’entama N’Ast y l’Atenéu Cultural Xuan María Acebal, ye abierta a tol mundu.