Los aeropuertos asturianos recuperen la normalidá

Los aeropuertos asturianos de Santiagu'l Monte en Castrillón, Llamorgal en Llanera y Parayas en Camargu recuperaron esti fin de selmana la normalidá avezada llueu del confictu surdíu pola fuelga xabaz non declarada polos controladores aéreos qu'abandonaron d'esmenu les torres de control dexando a miles de viaxeros ensin la posibilidá de pañar vuelos. La declaración pol Goviernu hespañol del estáu d'alarma obligó a la militarización del serviciu y a la mobilización obligatoria de los controladores so pena d'arrestos. El conflictu ente los controladores y el goviernu hespañol venía manifestandose yá dende febreru llueu d'años de presiones sindicales d'esti colectivu por meyorar y controlar la so situación llaboral yá abondo privilexada por goviernos anteriores.