Presentación en Xixón del 6u FESTIVAL DE CINE ASTURIANU

Tuvo llugar en Xixón el llunes 22 de febreru la presentación del 6u FESTIVAL DE CINE ASTURIANU. Durante l'actu tuvo llugar tamién la presentación en Xixón del llibru HISTORIA DEL CINE ASTURIANU, de Xaviel Vilareyo. Les presentaciones tuvieron llugar nel Salón d'Actos de la Biblioteca de Xixón onde antes s'allugó el Teatru Xovellanos, llugar que foi escenariu de les primeres proyecciones públiques de cine n'Asturies n'agostu del añu 1896. L'actu sirvió tamién pa entamar un interesante debate ente tolos directores y asistentes sobre'l futuru del cine n'Asturies.

MARTES 23 FEBRERU: Teatru Filarmónica d’Uviéu: Gala de Proyecciones

18h: Proyección de Curtiumetraxes finalistes

21h: Proyección de documentales

MIÉRCOLES 24 FEBRERU: Teatru Filarmónica d’Uviéu:

18h.. Gala de Pieslle y entrega de Premios. Homenaxe a Juan José Otegui.

ENTRADA LLIBRE A TOLES SESIONES