Expulsen a un futbolista del club por homófobu.

El fubolista estrella de la lliga danesa, Arek Onyszko, de 35 años, consideráu unu de los porteros más cotizaos del futbol danés, vio cómo lu despedíen del club de la primer división danesa, el FC Midtjylland de Yutlandia llueu de publicar una biografía lliteraria onde declara abiertamente que nun-y gusten los homosexuales. L'equipu decidió desvinculalu del club de fútbol pa preservar la bona fama del mesmu y evitar que se lu considere un club homófobu o afín a idees neonazis que prediquen l'odiu a los homosexuales y llesbianes.

"Depués de tener la oportunidá de lleer el llibru y de discutir el so conteníu, nun vemos otra salida que despedir a Arek", anuncia'l club de fútbol nun comunicáu que mandó a tola prensa.

Arek Onyszko, futbolista d'orixe polacu pero residente en Dinamarca, foi internacional con Polonia dos vegaes en 1997 y elexíu como meyor porteru de la lliga danesa nel 2000, desarrolló la mayor parte de la so carrera deportiva en Dinamarca, onde llegó en 1998 pa xugar nel Viborg y pasar cinco años después al equipu OB, antes d'ingresar nel Midtjylland, ún de los más importantes clubs de futbol del país danés.

Dinamarca foi ún de los primeros países en llegalizar el matrimoniu homosexual y les discriminaciones por orientación sexual considérense una illegalidá equiparable a otres discriminaciones por sexu o raza, nun país como Dinamarca que sufrió les deportaciones y la invasión del nazismu. Amás Dinamarca considérase ún de los países menos corruptos del mundu, onde la moralidá ética y política cúmplese dafecho. Pola contra, Hespaña ocupa ún de los últimos puestos d'Europa encuantes a ética política y corrupción ocupando anguañu'l llugar 32 na llista de países menos corruptos del mundu.