Pese a que nun hai nengún candidatu asturianu, la candidatura d'Iniciativa Internacionalista atropó pegoyos n'Asturies y entamó un grupu d'apoyu pa facer campaña pola candidatura qu'encabeza l'intelectual Alfonso Sastre nel nuesu país. L’ensame d'apoyu n’Asturies a esta candidatura convocó a toles persones interesaes en collaborar na campaña n’Asturies d’esta plataforma a dir al conceyu abiertu que tienen convocáu'l martes 12 a les 19:00 na Casa Sindical de Xixón. L'independentismu asturianu entama reivindicar los sos territorios históricos. Iniciativa Internacionalista presenta nesta campaña electoral próxima un mapa de la nación asturiana más coherente si cabe al axuntar los territorios de la provincia d'Uviéu colos de L.laciana, Burón, Ancares, Sayambre, Valdeón, Llébana, Valdenansa, Valdáliga, L.luna y otros territorios hestóricos asturianos más. Iniciativa internacionalista conviértese asina nun perbón exemplu pal nacionalismu asturianu.
Entradas
2 comentarios:
lo que nos faltaba , Alfonso Sastre ,, un madrilanu alloriau y batasunu ,,, metiu a irredentista asturianu menudu circu ,,,
Yo nun voi facer valoraciones sobre esta candidatura nin nenguna otra. Pero sí pa dexar claro qu'apoyo dafechu la reivindicación de los territorios históricos asturianos y más cuando cada dos por tres tán reclamándonos tarrén les comunidaez vecines. De siguir asina los nuestros herederos van acabar acorripiaos nun cachín del territoriu como si tuvieren nuna reserva.
Publicar un comentario