L’abogáu xeneral del Estáu, Joaquín de Fuentes Bardají, impugnó pela mañana énte la Sala del 61 del Tribunal Supremu la llista presentada pa los comicios europeos por Iniciativa Internacionalista, al considerar que se trata d’una "sucesora fraudulenta" de Batasuna. La Fiscalía xuniráse a esta iniciativa presentando la so propia demanda, buscando evitar qu’esta candidatura concurra a les elleiciones del prósimu 7 de xunu.
La decisión d’impugnar esta llista básase n’ informes de la Guardia Civil y de la Policía, y qu’espeyaríen supuestamente una infiltración por Batasuna de la llista de II-SP. Tres presentar la demanda, De Fuentes Bardají desplicó qu’ayeri aconceyó colos ministros españoles de Xusticia ya Interior, Francisco Caamaño y Alfredo Pérez Rubalcaba, con quienes llegó a la conclusión de que "hai prueba suficiente p’actuar contra esti partíu pa que nun pueda presentase por ser sucesor de Batasuna".
L’abogáu xeneral del Estáu indicó que les pruebes principales contra II-SP básense en "conexiones personales, sobre too del númberu 1". La investigación, según De Fuentes basóse tanto nos avalistes de la candidatura como nes rellaciones de los trés primeros integrantes de la candidatura (Alfonso Sastre, Doris Benegas y Ángeles Maestro). "Una llista como ésta aspira como muncho a sacar un escañu, el restu ye rellenu", afirmó. "La rellación d’estos candidatos lleva a pensar que ye una aición articulada y dirixida por Batasuna", añadió.
La decisión d’impugnar esta llista básase n’ informes de la Guardia Civil y de la Policía, y qu’espeyaríen supuestamente una infiltración por Batasuna de la llista de II-SP. Tres presentar la demanda, De Fuentes Bardají desplicó qu’ayeri aconceyó colos ministros españoles de Xusticia ya Interior, Francisco Caamaño y Alfredo Pérez Rubalcaba, con quienes llegó a la conclusión de que "hai prueba suficiente p’actuar contra esti partíu pa que nun pueda presentase por ser sucesor de Batasuna".
L’abogáu xeneral del Estáu indicó que les pruebes principales contra II-SP básense en "conexiones personales, sobre too del númberu 1". La investigación, según De Fuentes basóse tanto nos avalistes de la candidatura como nes rellaciones de los trés primeros integrantes de la candidatura (Alfonso Sastre, Doris Benegas y Ángeles Maestro). "Una llista como ésta aspira como muncho a sacar un escañu, el restu ye rellenu", afirmó. "La rellación d’estos candidatos lleva a pensar que ye una aición articulada y dirixida por Batasuna", añadió.
Entradas
No hay comentarios:
Publicar un comentario