Campaña a favor de que Cultura protexa l'asturianu oriental

Campaña a favor de que Cultura protexa l'asturianu oriental


La plataforma Esclave quier que se declare Bien d’Interés Cultural

03.04.09 - Sanander

La plataforma Esclave (Resclavu) va iniciar darréu una campaña de sensibilización na Comunidá autónoma de Cantabria encaneyada a conseguir que’l patrimoniu llingüísticu de Cantabria se declare Bien d’Interés Cultural. La negativa de la Conseyería de Cultura del Goviernu cántabru a aprobar esa medida sentó mui mal a un ampliu grupu d’asociaciones, instituciones y particulares de Cantabria. Ayeri, dos responsables d’Esclave, Jesús Salas y Diego San Gabriel, anunciaron que la plataforma va entamar una campaña de sensibilización ciudadana, a través de pegatines y carteles pa evitar que’l vocabulariu qu’utilizaron los sos mayores pa nomar pexes, árboles, por citar dellos exemplos, se pierda, entovía más depués de que según la nueva edición del 'Atles de les llingues en peligru del mundu' qu’edita la Unesco se considere en situación crítica el tueru asturiano-lleonés qu’incluye la so variante oriental o montañesa. «Nun discutimos si e o non una llingua, pero nun queremos que se pierdan palabras enraigonadas nel f.ondu d’esta tierra. E un f.echu históricu y filolóxicamente documentáu qu’en Cantabria evolucionó dende’l llatín, de forma particular, una realidá lilngüística patrimonial emparentada col tueru asturiano-lleonés, adaptada y modelada durante sieglos a una riestra de factores, como’l mediu, clima, fauna, etnoloxía o historia». Esclave ye un movimientu apolíticu, surdíu en 2006, cola intención de trabayar abora coordinadamente con una serie d’asociaciones que s’ocupaban del montañés o “cántabru”. Cuenta col apoyu d’una serie de filólogos de la Universidá de Cantabria, Centru d’Estudios Montañeses, Institutu Internacional d’Investigaciones Prehistóriques, ente otros.