Teatru de Güeñu estrena dos obres nel Filharmónica

Teatru de Güeñu estrena dos obres nel Filharmónica

La compañía Teatru de Güeñu va estrenar la selmana que vien dos obres de teatru inédites. La cita va ser los próximos díes 7 y 8 d’abril del 2009 nel Teatru Filharmónica dientro de les gales d’exhibición y pieslle del 5u Festival de Cine Asturianu. El martes 7 d’abril a les 8,30 la tarde Teatru de Güeñu estrenará la obra “De rebaxes na sablera” del escritor mierense Xaviel Vilareyo cola interpretación de los actores y actrices Dilia Pinto, Merce Santovenia y Pepe Santovenia. El miércoles 8 d’abril a les 10 de la nueche y llueu de la gala d’entrega de premios del 5u Festival de Cine Asturianu estrenaráse la obra “El misteriu del pelu roxu”, tamién orixinal de Xaviel Vilareyo coles interpretaciones d’Elena García, Moisés Díaz, Álvaro Santovenia y Emilio Castelar. Teatru de Güeñu ye una compañía de teatru asturianu non profesional, con dellos años yá d’historia teatral con una trayectoria de gran éxitu popular. La compañía ta allugada nel pueblu de Güeñu, candidatu a Pueblu Exemplar d’Asturies del 2009. Les funciones que van representar nel Teatru Filarmónica d’Uviéu son dafechu gratuítes nun siendo necesario sacar entrada p’acudir a les representaciones.

Préstanos convidavos a los actos del

5u FESTIVAL DE CINE ASTURIANU

que tendrán llugar del 2 al 8 d’abril del 2009 n’Uviéu

martes 7 abril: 18 hores, TEATRU FILARMÓNICA: Proyección de los curtiumetraxes finalistes presentaos por María Xesús Rogríguez y Jesús Menéndez. 20,30 h: estrenu de la obra “De rebaxes na sablera” pol Grupu Teatru de Güeñu.
21 h: proyección de los documentales finalistes.

miércoles 8 d’abril: 18 hores, TEATRU FILARMÓNICA: Gala de Pieslle, entrega de premios del Festival, presentada por Pepa Martínez y Jesús Piquero. Actuaciones del Ballet Baidán, Celia González y Pelayu Cuaya. Homenaxe a Lilián de Celis. Proyección de los curtiumetraxes ganadores. 22 hores: estrenu de la obra “El misteriu del pelu roxu” del Grupu Teatru de Güeñu.

ENTRADA LLIBRE A TOLES SESIONES