Vuelven escluír a Astorga de la falsa vía xixonesa "de la plata"

Vuelven escluír a Astorga de la falsa vía xixonesa "de la plata"

L'asociación de conceyos de la falsa vía xixonesa "de la plata" volvió una vegada más a escluír a Astorga, capital del antigu Conventus Asturum y verdadera tiesta de la histórica Vía romana de la Plata que xuntaba en llínia a esta ciudá con Emérita, capital de la Lusitania.

Un documental de promoción d'esta falsa vía xixonesa de la plata, producíu pola empresa alemana Colours Communication Group muestra la historia, la gastronomía, el folclore y el comerciu de la ciudá y la enmarca xunta otros 26 conceyos na supuesta calzada romana.
La presentación del trabayu convirtió al Antigu Institutu Asturianu de Xovellanos nel entamu de la supuesta ruta, al menos del so documental. Al conceyal de Promoción Económica ya Innovación del Ayuntamientu de Xixón al que acompañaron Juan Andrés Tovar, presidente de la Rede de Cooperación y de la Diputación de Cáceres y el director del documental Juan Frutos. Hai once años que nació esta asocación qu'axunta a 27 conceyos (acaba d'incorporase La Bañeza), de cuatro Comunidaes autónomes y que tien por fin promocionar cultural y turísticamente la supuesta Ruta a través de medios tradicionales, audiovisuales ya internet.

La Conseyería usa un programa de la radio como "Actu Oficial" de la Selmana bable

Dientro del progama oficial d'actos de la Conseyería socialista pa esta Selmana del Bable, la RPA va ufrir un programa sobre la vida d’Henriqueta González Rubín dientro del espaciu “Nomes d’Asturies”.

El mesmu goviernu socialista-IU ye'l que prohibe la llingua asturiana nes emisiones de la televisión pública como nos informativos y en tolos demás progames, obligando a que la llingua asturiana apaeza sólo n'espacios ridículos de chancia pa que fomenten la diglosia y el desprestixu de la llingua na sociedá.

Trailer del 5u FESTIVAL DE CINE ASTURIANU 2009

Trailer del 5u FESTIVAL DE CINE ASTURIANU:

http://www.youtube.com/watch?v=XmPQaUb-pbk

Polillas, el curtiu del asturianu Pedro Touceda y la película La torre de Suso, de Tom Fernández fueron les obres ganadores nel 5u Festival de Cine Asturianu na edición del añu 2009 según los premios del xuráu oficial, compuestu n’esta ocasión por Illán Gonzali, Ana Cárdenas y Sara López. El curtiu ”Dos sabios” de Rocío García, rodáu en Les Caldes d’Uviéu, recibió’l premiu al Meyor Curtiumetraxe n’asturianu. Belén Rueda y Gonzalo de Castro recibieron los premios a los meyores actores, por El güerfanatu y La torre de Suso respectivamente. El meyor guion foi pa Sergio G. Sánchez por El güerfanatu y la meyor dirección foi pa José Antonio Bayona por El güerfanatu. El Meyor Documental foi pa Alfonso Suárez por “Voces en imágenes” y el Premiu d’Honor entregóse-y a l’actriz y cantante parraguesa Lilián de Celis, que con gran simpatía recordó la so infancia y la so carrera nel mundu del cine musical. L’actuación de DiCarlo fizo recordar una de les famoses canciones de Lilián de Celis: Les tardes del Ritz. Na Gala de Pieslle también ufiertó un conciertu l’artista Celia González que cantó dellos temes a la zanfona del so últimu discu “Cantoras ya bordones acompañada del dulcimer Hervé Perrochon. Celia González amás entregó’l premiu al Meyor Documental al realizador Alfonso Suárez. El Ballet Baidán, que dirixe Amparo Villafruela, realizó una coreografía sobre un tema de Tomás Bretón n’homenaxe a una de les películes de Lilián de Celis, Alma aragonesa. El gaiteru Pelayu Cuaya ufiertó también un recital de gaita. La Gala de Pieslle presentáronla Pepa Martínez y José Manuel García.Polillas (Pedro Touceda, 2007) ye un monólogu irónicu, una reflexón poética de ónde venimos y aú vamos. Andéi Ivanov ye un rusu que vive n’Hespaña qu’hai tiempu qu’entamó un personal viaxe n’automóbil. Pedro Touceda, fíu d’asturianos, ye director de curtiumetraxes, periodista y director del “Festival Iberoamericano de Cortometrajes ABC.es”.
La torre de Suso (Tom Fernández, 2007) cuenta la historia de cuatro amigos que s’axunten llueu de la muerte d’otru amigu n’Asturies.
Dos sabios (Rocío García, 2008) ye la puesta n’imáxenes del famosu cuentu de Leopoldo Alas Clarín del mesmu títulu.El martes 7 d'abril del 2009 tuvo llugar l'estrenu de "La vocación" obra de teatru orixinal del autor mierense Xaviel Vilareyo, coles interpretaciones de los actores María Xesús Rodríguez y Jesús Menéndez, presentadores de la Gala d’entamu. "La vocación " ye una obra de teatru breve n’asturianu que narra en clave irónica los sentimientos que xiren alrodiu de la vocación de los actores de cine y teatru. Xaviel Vilareyo (Mieres, 1967) estrénase tamién con esta obra como autor teatral. La pieza representóse como prólogu a los actos del 5u Festival de Cine Asturianu. Teatru de Güeñu estrenó amás otres dos obres de teatru de Xaviel Vilareyo: “De rebaxes na sablera” cola interpretación de Dilia Pinto, Merce Santovenia y Pepe Santovenia, y “El misteriu del pelu roxu” con Moisés Díaz, Elena García, Álvaro Santovenia y Emilio Castelar. “De rebaxes na sablera” ye una comedia realista inspirada nel teatru tradicional asturianu onde los personaxes representen arquetipos sociales presentes na nuesa sociedá y onde los diálogos, enllenos de xuegos de palabres, dobles significaos y situaciones mui verosímiles de comicidá llingüística qu’ufierta’l testu n’asturianu. “El misteriu del pelu roxu” ye una obra dramática onde la intriga y el suspense danse la mano pa llevar al espectador a través d’una historia d’una misteriosa desaparición que dos detectives tienen la misión de resolver. Estos estrenos teatrales fueron un exitosu complementu a les sesiones d’esta 5ª edición del Festival de Cine Asturianu.

El Ballet Baidán nel 5u Festival de Cine Asturianu

El Ballet Baidán d'Uviéu actuó'l pasáu 8 d'abril nel escenariu del Teatru Filharmónica d'Uviéu con motivu de la Gala de Pieslle del 5u Festival de Cine Asturianu. El Ballet Baidán, que dirixe Amparo Villafruela, ufiertó al públicu una magnífica y espectacular coreografía sobre un tema de Tomás Bretón tituláu "Aragón" como homenaxe a una de les películes musicales de l'actriz y cantante parraguesa Lilián de Celis: Alma aragonesa, que l'actriz asturiana rodó en Teruel en 1961. L'Estudiu de Danza Baidán ta abiertu a tol que quiera entamar o seguir estudios de danza y atópase n'Uviéu na cai Jerónimo Ibrán 6.

Polillas, el curtiu del asturianu Pedro Touceda y la película La torre de Suso, de Tom Fernández fueron les obres ganadores nel 5u Festival de Cine Asturianu na edición del añu 2009 según los premios del xuráu oficial, compuestu n’esta ocasión por Illán Gonzali, Ana Cárdenas y Sara López. El curtiu ”Dos sabios” de Rocío García, rodáu en Les Caldes d’Uviéu, recibió’l premiu al Meyor Curtiumetraxe n’asturianu. Belén Rueda y Gonzalo de Castro recibieron los premios a los meyores actores, por El güerfanatu y La torre de Suso respectivamente. El meyor guion foi pa Sergio G. Sánchez por El güerfanatu y la meyor dirección foi pa José Antonio Bayona por El güerfanatu. El Meyor Documental foi pa Alfonso Suárez por “Voces en imágenes” y el Premiu d’Honor entregóse-y a l’actriz y cantante parraguesa Lilián de Celis, que con gran simpatía recordó la so infancia y la so carrera nel mundu del cine musical. L’actuación de DiCarlo fizo recordar una de les famoses canciones de Lilián de Celis: Les tardes del Ritz. Na Gala de Pieslle también ufiertó un conciertu l’artista Celia González que cantó dellos temes a la zanfona del so últimu discu “Cantoras ya bordones acompañada del dulcimer Hervé Perrochon. Celia González amás entregó’l premiu al Meyor Documental al realizador Alfonso Suárez. El Ballet Baidán, que dirixe Amparo Villafruela, realizó una coreografía sobre un tema de Tomás Bretón n’homenaxe a una de les películes de Lilián de Celis, Alma aragonesa. El gaiteru Pelayu Cuaya ufiertó también un recital de gaita. La Gala de Pieslle presentáronla Pepa Martínez y José Manuel García.

Polillas (Pedro Touceda, 2007) ye un monólogu irónicu, una reflexón poética de ónde venimos y aú vamos. Andéi Ivanov ye un rusu que vive n’Hespaña qu’hai tiempu qu’entamó un personal viaxe n’automóbil. Pedro Touceda, fíu d’asturianos, ye director de curtiumetraxes, periodista y director del “Festival Iberoamericano de Cortometrajes ABC.es”.

La torre de Suso (Tom Fernández, 2007) cuenta la historia de cuatro amigos que s’axunten llueu de la muerte d’otru amigu n’Asturies.

Dos sabios (Rocío García, 2008) ye la puesta n’imáxenes del famosu cuentu de Leopoldo Alas Clarín del mesmu títulu.

El martes 7 d'abril del 2009 tuvo llugar l'estrenu de "La vocación" obra de teatru orixinal del autor mierense Xaviel Vilareyo, coles interpretaciones de los actores María Xesús Rodríguez y Jesús Menéndez, presentadores de la Gala d’entamu. "La vocación " ye una obra de teatru breve n’asturianu que narra en clave irónica los sentimientos que xiren alrodiu de la vocación de los actores de cine y teatru. Xaviel Vilareyo (Mieres, 1967) estrénase tamién con esta obra como autor teatral. La pieza representóse como prólogu a los actos del 5u Festival de Cine Asturianu. Teatru de Güeñu estrenó amás otres dos obres de teatru de Xaviel Vilareyo: “De rebaxes na sablera” cola interpretación de Dilia Pinto, Merce Santovenia y Pepe Santovenia, y “El misteriu del pelu roxu” con Moisés Díaz, Elena García, Álvaro Santovenia y Emilio Castelar. “De rebaxes na sablera” ye una comedia realista inspirada nel teatru tradicional asturianu onde los personaxes representen arquetipos sociales presentes na nuesa sociedá y onde los diálogos, enllenos de xuegos de palabres, dobles significaos y situaciones mui verosímiles de comicidá llingüística qu’ufierta’l testu n’asturianu. “El misteriu del pelu roxu” ye una obra dramática onde la intriga y el suspense danse la mano pa llevar al espectador a través d’una historia d’una misteriosa desaparición que dos detectives tienen la misión de resolver. Estos estrenos teatrales fueron un exitosu complementu a les sesiones d’esta 5ª edición del Festival de Cine Asturianu.

Actuación de DiCarlo nel Teatru Filharmónica

Debú de DiCarlo nel Teatru Filarmónica

El showman DiCarlo actuó'l pasáu 8 d'abril nel Teatru Filarmónica dientro de la Gala de Pieslle del 5u Festival de Cine Asturianu. La ocasión yera l'homenaxe a l'actriz y cantante asturiana Lilián de Celis interpretando con movimientos unes de les sos famoses canciones: Les tardes del Ritz, un cuplé de los años 1920 compuestu pol compositor Genaro Monreal (1894-1974) que Lilián de Celis popularizó nos años 1950 a través de la radio. DiCarlo, que trabayó con Lilián de Celis en dellos espectáculos de music-hall fizo un homenaxe a l'actriz parraguesa reconociendo delantre del públicu qu'esta canción de Lilián de Celis foi cola qu'él mesmu debutó como tresformista profesional y que tien un gran ciñu por esti tema y por tolos demás del repertoriu de Lilián de Celis que conoz perbién yá que los tien interpretao nes sos actuaciones como por exemplu "Los puentes del Sena", "Flor de té", "La violetera", "Júrame", "Mimosa", "La chica del 17", "Pichi", "Doña Mariquita", "Amor de muñecos" y tantos otros temes más de Lilián de Celis, qu'ella mesma popularizó nos años cincuenta antes que lo ficiera Sara Montiel o Lina Morgan. DiCarlo dio-y les gracies a Lilián poles sos canciones que-y sirvieron a él y a munchos tresformistes pa los sos espectáculos polo que tarán siempre agradecíos a ella, amás de recordar al públicu que la figura de Lilián de Celis ye tou un iconu gai de la cultura musical y cinematográfica.

Estrenóse nel Filharmónica "El misteriu del pelu roxu", obra de Xaviel Vilareyo

Estrenóse nel Teatru Filharmónica
“El misteriu del pelu roxu”

El pasáu miércoles 8 d’abril del 2009 tuvo llugar nel Teatru Filharmónica d’Uviéu l’estrenu de la obra dramática “El misteriu del pelu roxu”, orixinal del escritor mierense Xaviel Vilareyo. La representación corrió a cargu de la compañía Teatru de Güeñu que puso n’escena esta nueva pieza n’asturianu cola interpretación nos principales papeles de los actores y actrices Moisés Díaz, Elena García, Álvaro Santovenia y Emilio Castelar. “El misteriu del pelu roxu” ye una obra dramática onde la intriga y el suspense danse la mano pa llevar al espectador a través d’una historia d’una misteriosa desaparición que dos detectives tienen la misión de resolver. Ambientada na Inglaterra victoriana de 1900, dominada por una sociedá con un fuerte componente de represión sexual y por una marcada dixebra de clases sociales, los personaxes dan vida a una dramática búsqueda de la verdá nun casu d’un posible secuestru d’un altu financieru que trabaya nel centru comercial de Londres.

Teatru de Güeñu estrenó "De rebaxes na sablera", de Xaviel Vilareyo

Teatru de Güeñu estrenó “De rebaxes na sablera”,

de Xaviel Vilareyo

El martes 7 d’abril del 2009 Teatru de Güeñu estrenó nel Teatru Filarmónica d'Uviéu la obra “De rebaxes na sablera” del escritor mierense Xaviel Vilareyo cola interpretación de los actores y actrices protagonistes Dilia Pinto, Merce Santovenia y Pepe Santovenia. “De rebaxes na sablera” ye una comedia realista inspirada nel teatru tradicional asturianu onde los personaxes representen arquetipos sociales presentes na nuesa sociedá y onde los diálogos, enllenos de xuegos de palabres, de crítica social, dobles significaos y situaciones mui verosímiles de comicidá llingüística qu’ufierta’l testu n’asturianu, xunto cola excelente comicidá de los actores faen posible la identificación total col públicu na ficción escénica que se desarrolla nel guión escritu. Teatru de Güeñu ye una compañía de teatru asturianu non profesional, con dellos años yá d’historia teatral con una trayectoria de gran éxitu popular. La compañía ta allugada nel pueblu de Güeñu, Conceyu de La Ribera, candidatu a Pueblu Exemplar d’Asturies del 2009. Esta primer presentación de “De rebaxes na sablera” cuntó cola dirección artística del propiu autor y la función representóse con gran éxitu de públicu dientro del programa del 5u Festival de Cine Asturianu que se celebró nel mesmu escenariu del Teatru Filarmónica d’Uviéu durante la pasada selmana.