Conferencia de Xaviel Vilareyo nel Muséu del Pueblu d'Asturies sobre "La sidra n'Asturies de Santiyana"

L'escritor y etnólogu asturianu Xaviel Vilareyo pronunció una conferencia en Xixón nel Muséu del Pueblu d'Asturies sobre "La sidra n'Asturies de Santiyana" el pasáu vienres 22 d'abril del 2011. Xaviel Vilareyo fizo un repasu a la historia del territoriu d'Asturies de Santiyana pa dir desplicando los documentos históricos onde se menciona a la sidra per primer vegada nesti territoriu. La evolución histórica de la producción del sidra n'Asturies de Santiyana y el posterior decayimientu yá nel sieglu XX dan pasu a la situación actual de la producción sidrera que va meyorando gracies a iniciatives como la creación de la Cofradía de la Sidra, los festivales de la sidra y otres fiestes populares y romeríes de prau onde la sidra n'Asturies de Santiyana va entamando a consumise de forma masiva. Meyorar la cantidá y calidá va ser unu de los retos pal futuru de la sidra nesti territoriu asturianu.

La conferencia tuvo inxertada dientro los actos del II Certame Nacional Primer Sidre l'Añu qu'entama l'Ensame Sidreru de Xixón. Xaviel Vilareyo reivindica la sidra asturiana d'Asturies de Santiyana afirmando que como territoriu históricu asturianu la sidra producida nesta tierra tien lexítimamente derechu a usar la denominación d'orixe protexida o marca "sidra asturiana" igual que'l restu de los territorios asturianos. Por ello falamos con Xaviel Vilareyo sobre esti tema.

- Cuando falamos de "sidra asturiana" ¿tamos refiriéndonos a la sidra producida dientro del territoriu de la provincia d'Uviéu?

Evidentemente non. Asturies, como’ l so propiu nome indica, són dos territorios históricos que comparten una mesma cultura, llingua y tradiciones. Esos territorios són Asturies d’Uviéu y Asturies de Santiyana. La recién historia configuróles como dos territorios alministrativos estremaos pero la so milenaria historia configuróles tamién como dos territorios que formen una sola nación cultural que comparten una sola esencia, tradición y cultura propia. La Llébana ye tamién otru territoriu históricu asturianu, mencionáu yá nos documentos del Reinu d’Asturies que se configuró tamién como una entidá alministrativa propia vinculada siempre a Asturies y en conctretu dende 1779 vincúlase formalmente a Asturies de Santiyana enviando un representante a la Casa de Xuntes d’Asturies de Santiyana allugada en Bárcena de la Puente, primer orixe de lo que depués sedría la provincia de Santander. Tradicionalmente fueron surdiendo otros nomes plurales como ls Asturies de Sancto Anderio, les de Tresmiera o de Castiellu, pero toles Asturies referíense siempre como una dualidá: la d’Uviéu y la de Santiyana.

Asturies de Santiyana ye un territoriu históricu qu'ocupa la tierra comprendida ente los ríos Deva y Miera, conocida tamién como merindá y documentada dende'l sieglu XI. Comprende más de la metá occidental de l’anterior provincia de Santander, sacantes Llébana que se constituyía notra comarca. La sidra de Llébana por supuestu que tamién ye sidra asturiana. Llébana ye la más asturiana de les tierres. Hai que recordar qu'en Llébana nació Asturies.

- ¿Cuálu ye l'orixe de la sidra nestes Asturies?

L'orixe de la sidra nestes Asturies ye mui antigu. Dende la Edá Mediana tán documentaes les pumaraes nos inventarios de los conventos o nel pagu d'impuestos. En fueros como los de Santiyana o Sanander tamién se menciona a la sidra. Nel sieglu XVIII había abondes pumaraes y la producción yera básicamente de tipu particular. El puertu de Sanander esportaba sidra y a fines del XVIII surden dos fábriques de sidra que van remanecer per bona parte del sieglu XIX. Ye nel sieglu XX cuando la cultura sidrera n'Asturies de Santiyana entama decayer.

- ¿Cuála ye la situación anguañu?

La sidra n'Asturies de Santiyana vien esperimentando un constante desenrollu a partir del añu 2000 cuando entama a profesionalizase la producción gracies en parte a la creación de la Cofradía de la Sidra y cuando entamen importantes Festivales de la Sidra lo que consigue sacar la producción de los ambientes familiares pa da-y un mayor nivel profesional, cualitativa y cuantitativamente.

- ¿Cuálu ye'l futuru de la sidra n'Asturies de Santiyana?

Pues en realidá el tiempu lu dirá si esa industria medra o si torna decayer como nel pasáu, nun lu sabemos. El futuru pasa por entamar sobre bones bases, esto ye, curiando les pumaraes, la materia prima en primer llugar, llogrando apoyos públicos pa meyorar la calidá, los controles, facilitando la distribución, venta y consumu internu, afondando na profesionalización del sector. Y por supuesto el futuru pasa por incluyir la sidra d'Asturies de Santiyana y Llébana dientro de la denominación d'orixe protexida "sidra asturiana" yá que són territorios tan asturianos como los d'Asturies d'Uviéu, lo que facilitaría la exportación y poder competir con igualdá de tratu cola sidra d'Asturies d'Uviéu qu'anguañu ye la que produz en mayor cantidá y calidá. Pero pasucu a pasucu la sidra d'Asturies de Santiyana tamién va meyorando nestos aspectos y hai que dir más llueñe. El futuru pue tar aseguráu yá que tán dándose pasos perimportantes como que la sidra yá ta presente masivamente nos nomaos Festivales de Prau y otres romeríes y festivales folc y la mocedá nesti territoriu yá entama valorar y apreciar la sidra. Pero entavía hai muncha xera por f.acer.

Xaviel Vilareyo: Asturies de Santiyana tien derechu a usar la marca "sidra asturiana"

L'escritor y etnólogu Xaviel Vilareyo (Mieres, 1967) pronunciará una conferencia en Xixón el próximu vienres 22 d'abril a les 8 la tarde nel Pavellón del Muséu del Pueblu d'Asturies sobre "La sidra n'Asturies de Santiyana". La conferencia ta inxertada dientro los actos del II Certame Nacional Primer Sidre l'Añu qu'entama l'Ensame Sidreru de Xixón. Xaviel Vilareyo reivindica la sidra asturiana d'Asturies de Santiyana afirmando que como territoriu históricu asturianu la sidra producida nesta tierra tien lexítimamente derechu a usar la denominación d'orixe protexida o marca "sidra asturiana" igual que'l restu de los territorios asturianos. Por ello falamos con Xaviel Vilareyo sobre esti tema.

- Cuando falamos de "sidra asturiana" ¿tamos refiriéndonos a la sidra producida dientro del territoriu de la provincia d'Uviéu?

Evidentemente non. Asturies, como’ l so propiu nome indica, són dos territorios históricos que comparten una mesma cultura, llingua y tradiciones. Esos territorios són Asturies d’Uviéu y Asturies de Santiyana. La recién historia configuróles como dos territorios alministrativos estremaos pero la so milenaria historia configuróles tamién como dos territorios que formen una sola nación cultural que comparten una sola esencia, tradición y cultura propia. La Llébana ye tamién otru territoriu históricu asturianu, mencionáu yá nos documentos del Reinu d’Asturies que se configuró tamién como una entidá alministrativa propia vinculada siempre a Asturies y en conctretu dende 1779 vincúlase formalmente a Asturies de Santiyana enviando un representante a la Casa de Xuntes d’Asturies de Santiyana allugada en Bárcena de la Puente, primer orixe de lo que depués sedría la provincia de Santander. Tradicionalmente fueron surdiendo otros nomes plurales como ls Asturies de Sancto Anderio, les de Tresmiera o de Castiellu, pero toles Asturies referíense siempre como una dualidá: la d’Uviéu y la de Santiyana.

Asturies de Santiyana ye un territoriu históricu qu'ocupa la tierra comprendida ente los ríos Deva y Miera, conocida tamién como merindá y documentada dende'l sieglu XI. Comprende más de la metá occidental de l’anterior provincia de Santander, sacantes Llébana que se constituyía notra comarca. La sidra de Llébana por supuestu que tamién ye sidra asturiana. Llébana ye la más asturiana de les tierres. Hai que recordar qu'en Llébana nació Asturies.

- ¿Cuálu ye l'orixe de la sidra nestes Asturies?

L'orixe de la sidra nestes Asturies ye mui antigu. Dende la Edá Mediana tán documentaes les pumaraes nos inventarios de los conventos o nel pagu d'impuestos. En fueros como los de Santiyana o Sanander tamién se menciona a la sidra. Nel sieglu XVIII había abondes pumaraes y la producción yera básicamente de tipu particular. El puertu de Sanander esportaba sidra y a fines del XVIII surden dos fábriques de sidra que van remanecer per bona parte del sieglu XIX. Ye nel sieglu XX cuando la cultura sidrera n'Asturies de Santiyana entama decayer.

- ¿Cuála ye la situación anguañu?

La sidra n'Asturies de Santiyana vien esperimentando un constante desenrollu a partir del añu 2000 cuando entama a profesionalizase la producción gracies en parte a la creación de la Cofradía de la Sidra y cuando entamen importantes Festivales de la Sidra lo que consigue sacar la producción de los ambientes familiares pa da-y un mayor nivel profesional, cualitativa y cuantitativamente.

- ¿Cuálu ye'l futuru de la sidra n'Asturies de Santiyana?

Pues en realidá el tiempu lu dirá si esa industria medra o si torna decayer como nel pasáu, nun lu sabemos. El futuru pasa por entamar sobre bones bases, esto ye, curiando les pumaraes, la materia prima en primer llugar, llogrando apoyos públicos pa meyorar la calidá, los controles, facilitando la distribución, venta y consumu internu, afondando na profesionalización del sector. Y por supuesto el futuru pasa por incluyir la sidra d'Asturies de Santiyana y Llébana dientro de la denominación d'orixe protexida "sidra asturiana" yá que són territorios tan asturianos como los d'Asturies d'Uviéu, lo que facilitaría la exportación y poder competir con igualdá de tratu cola sidra d'Asturies d'Uviéu qu'anguañu ye la que produz en mayor cantidá y calidá. Pero pasucu a pasucu la sidra d'Asturies de Santiyana tamién va meyorando nestos aspectos y hai que dir más llueñe. El futuru pue tar aseguráu yá que tán dándose pasos perimportantes como que la sidra yá ta presente masivamente nos nomaos Festivales de Prau y otres romeríes y festivales folc y la mocedá nesti territoriu yá entama valorar y apreciar la sidra. Pero entavía hai muncha xera por f.acer.

El 7u Festival de Cine Asturianu faise en Madrid

La sétima edición del Festival de Cine Asturianu fairáse en Madrid onde s'entregarán un añu más los Premios del Festival nes sos diferentes categoríes. L'eventu tendrá llugar el día llunes 9 de mayu nel Atenéu de Madrid, allugáu na cai del Prado 21, escenariu onde nació la primer edición del Festival de Cine Asturianu nel añu 2005 col apoyu de la Sección de Cine d'esta vieya institución. Nos actos, d'asistencia llibre y gratuíta, amás de la entrega de Premios del xuráu d'esta edición tendrá lugar la proyección de los curtios ganadores, homenaxes a destacaes personalidaes del cine asturianu. Tamién presentaráse per primer vegada en Madrid el llibru Historia del Cine Asturianu, de Xaviel Vilareyo, un documentáu repasu a tola historia del sétimu arte asturianu dende la mesma llegada del cine a Asturies hasta l'actualidá. Los xuraos d'esta edición del Festival són los realizadores Teresa Marcos, Iñaki Ibisate y Ángeles Muñiz, participantes y premiaos n'anteriores ediciones del Festival. El Festival promociona trabayos documentales y de ficción de realizadores asturianos o bien rodaos n'Asturies o en llingua asturiana col fin de dar a conocer el cine asturianu más actual asina como reconocer a les figures más destacaes de la historia del cine asturianu. Gil Parrondo, Mary Paz Pondal, Xuan Gona, Gonzalo Suárez, Lilián de Celis y Juan José Otegui yá pasaron pel Festival de Cine Asturianu recibiendo'l so Premiu d'Honor del Cine Asturianu n'anteriores ediciones.

La Tertulia L'Ayalga de Xixón aldericó sobre'l monólogu asturianu

La Tertulia L'Ayalga de Xixón, allugada na cai Prendes Pando 11, aldericó el pasáu xueves 7 d'abril sobre la situación actual del monologu asturianu, ún de los elementos identitarios de la cultura autóctona nacional y patrimonial de Les Asturies. Na Tertulia participaron Inaciu Galán y Lluís Antón González, investigadores del monólogu y del Teatru Nacional Asturianu, a través d'ensayos y de programes de televisión. La Tertulia analizó la evolución del monólogu tradicional al modernu, la necesidá de caltener dambes formes, la vitalidá del xéneru, la so innegable xuntanza y arreyamientu al Teatru Nacional Asturianu col que guarda relación n'obres como la de Pachín de Melás y otros autores. Tamién comparóse la so situación oficial por parte de los xestores culturales socialistes cola situación de los bolos y otros elementos identitarios de la cultura nacional asturiana, siempre oficialmente relegaos a ámbitos aparentemente secundarios, diglósicos cuando non marxinales, a pesar de la vitalidá y del apreciu de los asturianos pola so cultura nacional, yá que si la vitalidá del monólogu ye un destacáu exemplu de la pervivencia de les formes culturales asturianes ello débese al enfotu del pueblu asturianu por calteneles y non a l'acción de los poderes públicos socialistes y hespañolistes sobre la xestión de lo cultural, que ye más bien roceana a elles.

Asturianos ilustres: Antonio de Guevara y Noreña (1475-1545)

Asturianos ilustres: Antonio de Guevara y Noreña (1475-1545)

Antonio de Guevara y Noreña ye ún de los grandes escritores y filósofos asturianos de tolos tiempos y representa mui bien l’ideal de renovación del Renacimientu. Nació nel pueblu asturianu de Treceñu, en Valdáliga, Asturies de Santiyana, hacia 1475, onde se crió. Pañó l’hábitu de San Francisco en Valladolid. En 1523 debío a la so fama como orador y como antigu paxe del príncipe Xuan, nómenlu como Predicador del rei Carlos I y en 1526 Cronista real, cargos qu’esixíen l’acompañamientu al rei flamencu en tolos viaxes oficiales incluso guerres, escribiéndo-y importantes discursos como’l de les Cortes de Monzón de 1528 y el de la coronación en Roma como emperador en 1536. Foi visitador en Valencia, Murcia y Granada convenciendo ensin usar la violencia pa bautizar moros. Algama llueu como premiu del rei l’obispáu de Guadix en 1528 y en 1537 el de Mondoñéu onde morrerá en 1545. Al empar, siempre siguió atendiendo trabayos pal rei, en viaxes y asuntos oficiales como Conseyeru del emperador que yera dende 1529. Enterróse na catedral de Mondoñéu pero según el so deséu en 1552 los sos restos llévense pal conventu de San Francisco de Valladolid, destruyíu en 1837.

Los primeros llibros d’Antonio de Guevara fueron de xuru los más famosos y divulgaos:

- Llibru aureu de Marcu Aureliu (1528). Ye una falsa biografía d’esti emperador romanu con cartes lliteraries sobre’l bon goviernu y les virtúes morales d’un bon rei, como por exemplu ser protector de tolos filósofos. L’episodiu del Villanu del Danubiu, una metáfora sobre los indios americanos, la crítica a la conquista y por asemeyu sobre’l propiu rei Carlos, convirtióse en tou un clásicu sobre’l que reescribiríen depués otros escritores. L’éxitu del llibru foi impresionante en toa Europa.

- Relox de Príncipes (1529) ye una ampliación del anterior entendíu como manual del bon governante. Anima a los reis pa ser bonos cristianos, amigos de los sabios, de bon tratu coles esposes y cola crianza de los fíos, pa que goviernen con xusticia, ayudando a los desvalíos, siempre pol bien de los súbditos y ente ellos los indios, mirando pola dignidá de tou ser humanu incluso de los infieles.

- Menospreciu de corte y allabancia d’aldea (1539) fala de les virtúes y ventayes de la vida digna na aldea frente a los vicios y desgracies de la vida na ciudá. La moral y l’honor imperante nel so pueblín d’Asturies de Santiyana contrastaba cola degradación y viciu que vio en Madrid. Pa Guevara la ciudá cambia los valores humanos llevándolos a la degradación, al arribismu, usura y ambición destructiva. Los urbanites maltraten a los matiegos o aldeaniegos y falen tan retolicao que són incapaces d’entender a los campesinos, dignos representantes éstos d’un mundu idílicu onde nun hai mendicidá, prostitución nin llaceria.

- Una década de césares (1539) onde fala de diez emperadores romanos.

- Arte del marear (1539). La so esperiencia en viaxes marítimos col rei failu dar conseyos a tolos que s’embarquen, ufiertando un bayurosu vocabulariu marineru.

- Avisu de privaos (1539) ye otra guía de comportamientu del perfectu cortesanu onde reitera la idea del retiru al campu.

Los llibros d’Antonio de Guevara, ente los qu’hai que mentar otres obres epistolares y de temática relixosa, traduxéronse darréu a les llingües europees, publicándose en toa Europa y la so fama en tol continente foi pergrande. El so estilu retóricu, eufónicu, de prosa poética, recargada y arcaizante creó escuela. L’estilu d’Antonio de Guevara, el guevarismu, la so prosa orniada y elocuente, fizo surdir en toa Europa y especialmente n’Inglaterra, el nomáu preciosismu o eufismu lliterariu, seña d’identidá de la lliteratura inglesa. Los sos llibros fueron reeditaos, traducíos y lleíos abondo durante varios sieglos perdayures.

Antonio de Guevara representa l’espíritu dafechu renacentista y humanista, una curiosidá panóptica y un interés xeneral por tratar de munchos temes, por dar una visión personal despreciando les cites d’eruditos, siendo munches d’elles invención suya, lo que da idea de ciertu humorismu y caracterízase tamién por una clara tendencia a educar y moralizar dende una visión prestosa y entretenida.

Del so personal puñu quédennos escrites estes lletres agradeciendo l’unvíu d’un xamón nes que reconoz que “como nací en Asturias de Santiyana y no en Córdoba ninguna cosa pudiera enviarme a mi más acepta que aquella carne salada”.

La llingua asturiana en Cáceres

La llingua asturiana en Cáceres

La llingua asturiana en Cáceres presenta los mesmos elementos característicos del asturianu del sur de Salamanca. La fala de la provincia de Cáceres tien una clara identificación col asturianu, del que deriva por razones históriques, perteneciendo al ámbitu del asturianu-oriental. El rasgu principal d’esti dialectu oriental del asturianu ye la conservación de la efe llatina mediante pronunciación aspirada de la mesma: la efe aspirada, rasgu esti presente y dominante nes dos provincies estremeñes. Les zones que meyor conserven la llingua asturiana són les del norte de Cáceres: Sierra de Gata, Les Jurdes, Coria, Plasencia, Trujiyo, Medellín, algamando incluso hasta Mérida. Estremadura foi tierra reconquistada pol reinu d’Asturies y Lleón nel sieglu XII cuando la llingua romance asturiana yá taba consolidada y repoblóse con xente proviniente d’esti mesmu reinu. La Vía de la Plata que xuntaba la vieya capital asturiana, Astorga, cola capital de Lusitania, Mérida, foi tamién una importante vía d’espansión ya influencia cultural y llingüística del norte hacia los ermos del sur. L’asturianu de Cáceres tamién se conoz como castúo, anque ye ésta una palabra mui moderna. Usóla per primer vez Luis Chamizo nel títulu d’un famosu llibru de poemes suyu de 1921 “El miajón de los castúos” y significaba “castudu”, “que tien casta, de pura raza”, un llibru que fai por emponderar la tierra estremeña y la fala propia. La palabra tuvo ésitu yá que nun yera peyorativa sinón tolo contrario pues emponderaba la fala como elementu esencial del raigañu propiu. Castúo pasó llueu a ser sinónimu d’estremeñu y falar castúo pasó a significar falar estremeñu, la fala propia de Cáceres yá que la de Badajoz ye hespañol-meridional.

Tolos llingüístes engloben dientro del grupu asturianu la fala de Cáceres como perteneciente al so dominiu llingüísticu. Los rasgos típicos del asturianu de Cáceres son:

- Conservación de efe llatina mediante aspiración de la mesma: f.acer, f.ondu, f.ormiga, f.oscu, f.embra, f.arina, af.umáu, f.olgazán, f.ocicu, f.igu, f.ierru, f.umu, f.iguera...

- Terminaciones en –u pal xéneru masculín: niñu, finu, maletu, estremeñu

- Conservación grupu –mb: lamber, lombu, dambos, lampuzu, lampuceru

- Diptongación asturiana: apriende, dientista, diferiencia, priesa

- Usu del artículu col posesivu: la mi casa, el mi hermanu, el mi cortinal, el mi pueblinu

- Formes palatales: llera, llar, lludia, Llerena, ñube, ñublina, ñuca,

- Epéntesis de – i-: alabancia, matancia, quiciás, urnia, f.olgacián

- Diminutivos en –inu, -ina, -ín: casina, chiquitinu, garrapín, corderín, yerbadina, coloraínu, perrinu y diminutivos toponímicos como El Golfín, Garvín, Alcollarín, Ceclavín, Medellín

- Formes analóxiques: apretan, frego

- Plurales femeninos en –es (como n’El Rebollar): les coses, les puentes, les gallines...

- Contracciones: nel, nun, nesti, nesi, ena, enos, enes

- Formes asturianes: ansina, asín, entavía, pielgu, mayoralgu, portalgu, alvertir, novialgu, naide, calandariu, x.abalín, zenahoria, escuru, la reuma, la calor, rede, sede, x.enx.iva, x.ernu, bieldu, mielga, la figal, la castañal, la cerezal...

- Formes verbales asturianes: dicir, conozo, agraeza, creza, ofrezo, meza, escureza, perteneza, anocheza, diz, tien, vien, pon, sal, apañar, esmorecer, compri, tati quietu, cantaben, llorabes, riyendo

- Imperativos en –ái, -éi: echái, mirái, llevái, cantái, coméi, pasái, sentáivos,

- Termninaciones zarraes: dienti, alcaldi, dendi, airi, golpi, probi, puenti

- Ese apical non aspirada (igual que n’asturianu), nesto diferénciase del hespañol d’Andalucía.

- Verbos acabaos en –ear: lloviznear

- Xuntura de preposiciones: vengo de pol vinu, voi a por agua

- Usu de los verbos caer, quedar, haber con significáu de tirar, dexar y tener-tar: caí un vasu, él quedó la bolsa en casa, nun habemos muchu trabaju, habíamos allí muchos

- Pérdida de la –r-: compralu, buscalu, f.acelu, rompesi

- Usu del xéneru neutru: ¿lo qué?

- Vocabulariu asturianu: abangar, añeru, aragaña, bagu, benza, cogüelmu, concalecer, corux.a, falsiquera, fogar, fueu, mieu, miyu, tou, percayíu, x.eneru, x.elar, x.enx.iva, zorondu (serondu)...

La llingua cacereña vivió siempre nun ambiente diglósicu hasta que José María Gabriel y Galán empezó a da-y valor lliterariu cola obra poética Extremeñas (1902), anque nun acertó a reflexar dafecho la fala llogró da-y gran resonancia pública. Menéndez Pidal engloba la fala de Cáceres dientro del asturiano-lleonés en 1906. Otres obres lliteraries ya investigaciones d’autores salmantinos ficieron por rescatar de la indiferencia la fala asturiana de Salamanca y Cáceres. Anguañu l’asturianu de Cáceres recibe na so provincia’l nome d’estremeñu y los esfuerzos por recuperar y prestixar la fala socialmente son constantes dándose un gran reblagu dende la publicación del Diccionariu estremeñu de 1980.

Rutas por Asturias de Santiyana. La costa.

Este territorio conocido como la Merindad de Asturias de Santillana, está situado en la mitad Occidental de la provincia de Santander. Se conoce documentalmente desde el siglo XIII. Se extiende desde la desmbocadura del Deva, en el límite con Asturias de Oviedo, hasta la del Miera, inicio de la Merindad de Trasmiera. Por el Sur el límite llegaba hasta la Cordillera Cantábrica. Está constituido por un conjunto de valles perpendiculares a la costa. Ruta de la Costa. En primer lugar destaca la ruta de la costa con enclaves interesantísimos como Santillana del Mar, Comillas y San Vicente de la Barquera. La villa de Santillana del Mar, conserva un riquísimo patrimonio artístico desde la Edad Media hasta el siglo XVIII. El origen de esta villa es una pequeña ermita en la que unos monjes depositaron las reliquias de Santa Juliana en el siglo VIII. Pronto esta pequeña ermita se transformó en monasterio, con apoyo nobiliario y regio, constatado documentalmente desde el siglo IX. A mediados del siglo XII, sobre ese monasterio se construye la Colegiata románica que conocemos actualmente. En su interior se conserva un retablo de principios del siglo XVI, con una interesantísima escultura y pintura. Destaca especialmente el claustrocon su variada colección de capiteles. También a la Edad Media corresponde la arquitectura civil organizada en torno a la plaza principal, con las torres de Don Borja y del Merino, más las cercana torre de Velarde y la casa de Dña. Leonor de la Vega. A principios de siglo XVII se levantan los conventos de Dominicos (Regina Coeli) y Dominicas de San Ildefonso. Pero serán las dos ultimas décadas del siglo XVII y todo el siglo XVIII la época más próspera en cuanto a arquitectura civil se refiere. De esta época datan los palacios y casonas que se contemplan al recorrer la villa. Todas estas construcciones pueden levantarse gracias a la riqueza aportada por los indianos de vuelta a su lugar de origen. Cerca de Santillana y camino de Comillas se encuentra la villa de Cóbreces, en donde se encuentra un importante conjunto de arquitectura neogótica construida a principios de siglo. Se trata del monasterio cisterciense de Viaceli -cuya iglesia es una de las primeras construciones de hormigón en España- y la iglesia parroquial. En la parte alta de Cóbreces se conserva una casona del siglo XVIII, "El Castro", perfectamente mantenida con capilla adosada. Cerca de Cóbreces hacia el interior se encuentra la localidad de Novales, en la que destaca una importante iglesia del siglo XVI, valioso ejemplo de iglesia columnaria. Muy cerca de Novales está Cigüenza, cuya iglesia, que recuerda construcciones americanas del momento, es uno de los mejores ejemplos del barroco cántabro. La siguiente localidad es Comillas, pueblo pesquero, que gracias a la presencia de los marqueses de Comillas , conserva un importante conjunto de arquitectura modernista. El palacio de Sobrellano con su capilla-panteón, la Universidad Pontifica y el Capricho de Gaudí dan buena muestra de ello. Atravesando el parque natural de Oyambre se llega a San Vicente de la Barquera, localidad esencialmente marinera, en la que es interesante visitar la Puebla Alta, de trazado longitudinal, primitivo enclave, que más tarde se fue ampliando extramuros con los arrabales de La Mar y Tenerías. De época medieval quedan lienzos de muralla con dos puertas, y el castillo, del que se tienen noticias de su antigüedad, aunque la parte conservada data del siglo XIV. Antes de llegar a la iglesia se encuentra el Ayuntamiento, antiguo Hospital de la familia Corro, con buena fachada renacentista. En el extremo de la Puebla se encuentra la iglesia de Santa María de los Ángeles, comenzada a principios del siglo XIII en estilo gótico borgoñón. En su interior destaca la capilla de la familia Corro con dos sepulcros, uno gótico y otro renacentista. En la parte baja del pueblo se encuentra el puente de la Maza, obra renacentista de gran envergadura. En cuanto a la arquitectura popular, en San Vicente son muy interesantes las casas de pescadores y los soportales.