Los partíos asturianos entamen pa celebrar el Día de la Nación Asturiana

Los partíos nacionalistes asturianos Andecha Astur y PAS, el partíu provincialista UNA y el partíu d'izquierdes Bloque por Asturies dispónense a celebrar de diverses maneres los actos convocaos pal próximu 8 de setiembre, declaráu como Día de la Nación Asturiana.

Asina, UNA y Bloque por Asturies manifestaron que participarán nun actu conxuntu esi día nos Xardinos del Náuticu de Xixón, una concentración a la qu'asistirán máximos representantes de la Izquierda Xunida.

Andecha Astur participará tamién nel actu conxuntu d'UNA y Bloque por Asturies asina como nuna manifestación convocada por dellos grupos sociales y políticos que percorrerá les cais principales d'Uviéu col lema "Democracia p'Asturies - Democracy for the Asturies".

Pel so llau, el PAS refugó participar tanto na concentración de Xixón como na manifestación d'Uviéu alegando discrepancies na forma "despolitizada" d'organizar los eventos y asina fairá un actu partidista en Candás xunto con URAS, partíu asturianu col que firmó una coalición electoral. Los actos de PAS-URAS tendrán llugar nuna plaza céntrica de Candás y depués fairán una xinta de xermandía pa militantes y simpatizantes. N'años anteriores la coalición PAS-URAS solía facer un actu abiertu a tolos ciudadanos, un homenaxe a los padres fundadores, los reis d'Asturies, ante'l Panteón Real de la Catedral d'Uviéu onde depositaben una ufierta floral baxo la estatua d'Alfonsu II con dellos discursos patrióticos, pero esti añu ye añu electoral y necesiten reforzar la so coalición cola URAS y reaxuntar la so militancia, por eso decantáronse pa facer esta vegada un actu más partidista.

El Goviernu del Principáu de les Asturies celebrará como suel facer pel so llau una romería itinerante qu'esti añu tendrá llugar en Ribeseya. El PP d'Avilés, El PP d'Uviéu y el PP de Xixón nun celebrarán nengún actu relevante con motivu del Día de la Nación Asturiana.

POLA XUNTANZA apoya la reintegración territorial d'Asturies

El colectivu social Pola Xuntanza del nacionalismu asturianu apoya la reintegración territorial d'Asturies mediante la reincorporación a Asturies de los territorios asturianos que lo deseyen.

Asina encamienten l'establecimientu d’un calce llegal por que los conceyos histórica, cultural y socialmente asturianos puedan integrase na Comunidá Autónoma asturiana siempres y cuando asina lo deseyen les sos poblaciones.

Fabada y Chorizu en Sidra platos fuertes de les fiestes nel pueblu asturianu de Maoñu

El pueblu asturianu de Maoñu, unu de los siete pueblos que conformen el Conceyu de Bezana, llendante con Sanander n'Asturies de Santiyana, celebrará les sos fiestes del Agua cola gastronomía típica de Les Asturies. Una inmensa fabada dará de xintar a mediu pueblu y l'otru mediu recibirá tamién de baldre raciones de chorizu en sidra asturiano. La xinta fairáse nel parque de La F.aya, onde tendrán llugar les otres actividaes festives como la verbena. El programa compleméntase con un campionatu de motocros y actividaes pa los más mozos.

Les llendes provinciales hespañoles pueden camudase

L'Estatutu d'Autonomía de la Comunidá de "Cantabria" preveía la incorporación política del territoriu de la provincia de Sanander a una de les Comunidaes Autónomes vecines, igual que los de Rioxa o Navarra.

Son abondos los cambios fechos na estructura provincial d'Hespaña dende 1834:

En 1836 se amplía Valencia a costa de Alicante y esta última a costa de Albacete (Villena) y Murcia (Sax).[13]
En 1841 se amplía Logroño, pero temporalmente.[14]
Entre 1844 y 1854 la capital de Guipúzcoa pasó de San Sebastián a Tolosa.[15]
En 1846 se rectificaron los límites entre Ciudad Real y Albacete, con la incorporación de Villarrobledo a esta última.[13]
En 1851 Requena y Utiel pasan de Cuenca a Valencia.[16] [17]

En 1954 los territorios asturianos de Burón (Fonsagrada) y Suarna pasan del Obispado de Oviedo al de Lugo.
En 1927 se efectúa la división de la provincia de Canarias, que según el Real Decreto de 10 de noviembre de 1833 debía llamarse Santa Cruz de Tenerife,[18] [19] en las dos provincias actuales. (R.D. nº 1586 de 21 de septiembre) Las Palmas y Santa Cruz de Tenerife. Esta es la modificación más importante, ya que aumenta las provincias a 50.
En 1980 se cambia de denominación provincia de Logroño por la de provincia de La Rioja.[20] [21]
En 1982, como parte de la transformación en comunidad autónoma, se modifica la denominación de la provincia de Santander por la de provincia de Cantabria.[22]
En 1983 se cambia la denominación de la provincia de Oviedo por la de provincia de Asturias.[23]
En 1986 se aprueba la ley que permite el cambio de denominación de las provincias.
En 1992 las provincias de Gerona y Lérida cambian su nombre por las de provincias de Girona y Lleida.[24] Esto implicó el cambio de las letras identificativas de la placa de matrícula en Gerona pasando de ser GE a ser GI.[25]
En 1995 el municipio de Gátova pasa de la provincia de Castellón a la de Valencia.[26]
En 1996 el Partíu Asturianista solicita la reincorporaciíon a Asturies de conceyos limítrofes asturianos como Sayambre o Valdeón.
En 1997, la provincia de Palma de Mallorca pasa a llamarse provincia de Illes Balears.[27] Del mismo modo la placa de matrícula quedó modificada cambiando las siglas PM por IB.[28]
En 1998 se modificó la denominación oficial de las provincias de La Coruña y Orense por la de A Coruña y Ourense.[29] La matrícula de Orense cambió de OR a OU.[30]

Dende 1974, la Provincia d'Uviéu (Asturies) solicita la incorporación de territorios anteriormente asturianos como Burón, Suarna, Sayambre, Valdeón, Tresvisu, Llébana y Asturias de Santiyana.

Los Países Asturianos xúnense pa salvar la ciudá de Lancia

Asturies y los Países Asturianos entamaron una campaña de mobilización y sensibilización social pa evitar qu'una autopista nueva estroze la vieya ciudá de Lancia, antigua metrópolis de los ástures. Pa ello hai entamada una cuenta en facebook.: salvemos la ciudá de Lancia.
Lancia foi la cimera ciudá de los Ástures pre-romanos, y depués de la so conquista por Roma, una ciudá del Conventus Asturincensis, nel que se la encuadró.
La vieya Lancia allúgase nuna meseta allanada, nomada El Castru averada a la xunión d ...e los ríos Porma y Esla, na provincia de Lleón, y a tan sólu 17 km de la capital provincial. El xacimientu ocupa una estaya aprosimada de 44 hectárees, de las que sólu escaváronse una mínima parte de la so estensión.

Fiesta de la sidra n'Asturies de Tresmiera

Tuvo llugar el pasáu día 31 de xunetu nel pueblu tresmeranu d’Escalante el 11u Día de la Sidra, entamáu pola Asociación Pomolóxica d’Escalante. Abonda xente acudió un añu más a esta histórica localidá d’Asturies de Tresmiera atrayíos pol lema de la fiesta: “Compra un vasu sidra y bebi cuanto puedas”.

La fiesta entamó a les 12 hores cola presentación y actuación del Coru Virxen de la Cama. LLueu del escanciáu del primer “Culín d’Honor” entamó la degustación pa tol públicu na plaza principal onde s’alcuentra la Casa Conceyu d’Escalante. A les 14 hores pesllaron los puestos d’escanciáu pa dar pasu a les diferentes xintes organizaes per tolos chigres y restoranes de la localidá. El bon tiempu sofitó un guapu día pa xintar albentestate. A les 17 hores entamó un espectáculu infantil de música y teatru nel escenariu principal cola actuación del grupu Virigaña. Y a les 19 hores volvió entamar la degustación de tola sidra espuesto hasta que nun quede nin una pingarata. Les actuaciones musicales con música de la rexón y música caribeña dieron-y pieslle a una xornada completa dedicada dafechu a la bebida nacional de les Asturies: la sidra.

Escalante alcuéntrase na ribera d’una amplia ría onde tán les marismes de Santoña. Esta villa conocíase dende antiguo como El Puertu (Portus Victoria) siendo un importante cai yá dende época romana. Nel sieglu VIII toa Tresmiera pertenez al Reinu d’Asturies y nesta época fúndase’l Monasteriu de Santa María del Puertu que va ser l’orixe d’una capitalidá política y eclesiástica nesta Asturies de Tresmiera. El Cartulariu d’esti monasteriu fai abondes menciones a los reis d’Asturies y nél fálase de la esistencia n’Escalante d’otru monasteriu. Tresmiera pertenecía al obispáu asturianu de Valpuesta pero llueu de l’apropiación polos condes de Castiella y la posterior anexión al Reinu de Pamplona en 1035 fai que toa Asturies de Tresmiera pase a pertenecer al obispáu de Náxera mentantu que les Asturies de Santiyana siguen perteneciendo al obispáu d’Uviéu. Nel sieglu XIII el señoríu d’Escalante pertenecía a Diego López de Haro, Señor de Bizcaya, qu’edifica un castiellu en Montefanu pa protexer Escalante. En 1346 los señores de Haro conceden una carta puebla a Escalante comprometiéndose a defendela y respetar los sos usos. Nel sieglu XV el señoríu d’Escalante pasó pa los Ladrón de Guevara y contra ellos pleitearán los vecinos pa llibrase del señoríu y asina pertenecer a la Merindá civil d’Asturies de Tresmiera. Créese que la nau Santa María construyóse nos astilleros d’Escalante. Munchos vecinos d’esti pueblu ficieron les amériques, ente ellos misioneros, y por ello hai tantos llugares n’América que lleven el nome d’Escalante.

Escalante destaca pola so arquitectura tradicional, una de les principales casones ye güei la Casa Conceyu, y tamién pola so robusta ilesia barroca, pola ermita románica de San Román y polos conventos de San Sebastián y San Xuan onde s’alcuentra la Virxen de la Cama que fai fiesta’l 22 d’agostu.

Les tradiciones asturianes paez que renacen n’Escalante a través de la sidra, dende hai once años, cola adopción de tol ritual cultural de tipu asturianu: dende’l vasu de sidra, hasta la forma les botielles, típicamente asturiano too y tamién l’escanciáu a l’asturiana, el chorizu a la sidra, el xuegu la xaronca y hasta’l vocabulariu asturianu, intentnado asina alitar toa una nueva industria a través d’esta bebida.

Nesti 11u Día de la Sidra n’Escalante participaron un total de 26 llagares, la mayoría d’ellos d’Asturies d’Uviéu (Castiellu de Bernueces, Buznego, Cabañón, Cabueñes, Castañón, Estrada, Fanjul, L’Argayón, Menéndez) y tamién d’Asturies de Santiyana (El Muro, Las Anxanas, Somarroza, Ti Sidru) y d’Asturies de Tresmiera (Ciscaju, El Diezmo, La Escalantina, Villa de Escalante, Virgen de la Cama), amás participaron otros llagares sidreros de Galicia, Guipuzcua y Bretaña. La fiesta foi tou un éxitu d’asistencia.

L'ex-director del Bancu d'Asturies apoya la xuntanza de les dos comunidaes autónomes asturianes

L'ex-director del Bancu d'Asturies y del Bancu Herrero, Herminio Huerta (Uviéu, 1948) apoyó nunes recientes declaraciones la opción de xuntar les dos actuales comunidaes asturianes de "Principáu" y "Cantabria" como un mediu afayadizu pa dar una mayor efectividá y un meyor aprovechamientu de los recursos publicos pa evitar duplicidaes innecesaries, evitando asina tol derrroche que supón que cada provincia asturiana seya una comunidá autónoma separtada de la otra. La xuntanza de les dos comunidaes uniprovinciales de Principáu y "Cantabria" (Les Asturies d'Uviéu, y Asturies de Santiyana y Tresmiera) valdría según l'economista uvieín pa una meyor racionalización de los servicios y del gastu públicu, pa facer una entidá autonómica de mayor pesu políticu que les dos actuales, reduciendo tol coste d'eses estructures uniprovinciales. Tamién propón reducir el númberu de funcionarios pero con puestos que tean meyor pagos qu'anguañu.