Ganadores del Concursu de Folk Asturianu Pozu F.ondu

Acaba de darse a conocer la lista de ganadores del Concursu Asturianu de Folk Pozu F.ondu de Sanander que se desarrolló en el Centro Casyc de Caja Cantabria, en Sanander (Asturias de Santiyana), ante numeroso público durante este pasado fin de semana para seguir las fases finales del XIII Concurso de música popular. El acto fue presentado por Antonio Mora, Director de Radio Rabel, y contó con la presencia de los Vicepresidentes de ADIC, Carlos Ruiz y Ramón Villegas. Festival organizado por la Asociación ADIC, cuenta con la colaboración de la Consejería de Cultura, Turismo y Deporte del Gobierno Regional de Cantabria y del Conceyu de Sanander, repartió 6.300 euros en premios entre las ocho modalidades del folclore regional santiyanés a concurso. Además el evento contó con las actuaciones invitadas del grupo de Folk Garma, que presentó su nuevo disco Cambalúa, los rabelistas Miguel Cadavieco y Jose Alberto Terán y los intérpretes de tonada asturiana Cote y Almudena López. Las fases previas, celebradas en el salón de actos del Museo Marítimo de Cantabria, congregó a un nutrido grupo de participantes y aficionados a la música tradicional de Las Asturias.

Los ganadores, en las diferentes categorías, fueron:
Primer premio en categoría de Gaita Asturiana, Mario Torre proveniente de San Vicente la Barquera, 420 euros + Diploma. Segundo premio, Borja Palacio, de Torlavega, 230 euros + Diploma.
Primer premio en categoría de Pandereta, Covadonga Bárcena de Murieras, 420 euros + Diploma. Segundo premio, Vanesa Fernández, de Solares, 230 euros + Diploma.
Primer premio en categoria de Pitu montañés, Francisco Ibáñez desde Torrelavega, 420 euros + Diploma. Segundo premio, Jonatan Diaz, de Torrelavega, 230 euros + Diploma.
Primer premio en categoria de Tambor, Jorge Rubín, desde Escobedo de Camargo, 420 euros + Diploma. Segundo premio, Francisco Trápaga, de Colindres, 230 euros + Diploma.
Primer premio en categoria de Categoría de Canto solista masculino, Fernando González de Campoo de Enmedio, 420 euros + Diploma.
Primer premio en categoria de Categoría de Categoría de Canto solista femenino, Sara Balbás, desde Torrelavega, 420 euros + Diploma. Segundo premio, Vanesa Fernández, de Solares, 230 euros + Diploma.
Primer premio en categoria de Categoría de Pareyas de baile tradicional, Nuria Jiménez y Jonatan Diaz, desde Torlavega, 500 euros + Diploma. Segundo premio, Lara Rabanal e Iván Alonso Vega, 260 euros + Diploma.
Primer premio en categoria de Ronda "El Liguerucu", de Fresnu del Ríu, 600 euros + Diploma.

San Vicente celebró los 800 años del fueru del conceyu

La localidá asturiana de San Vicente de la Barquera celebró esta selmana los 800 años de la concesión del fueru a la villa y conceyu na época del rei Alfonsu VIII de Castiella y Lleón. L'actu principal celebróse na ilesia gótica de Nuestra Señora de los Ánxeles que tamién remembra los 800 años de la so fundación. Al actu acudieron otres autoridaes y alcaldes d'tros conceyos d'Asturias de Santiyana, como los de Valdáliga, Santiyana y Alfoz de Lloredu amás d'autoridaes rexonales. Nel actu nun faltó'l folclor asturianu yá que nel interior del templu actuaron les pandereteres de San Vicente d'esta villa marinera, una de les más guapes d'Asturies.

Soliciten a la Diputación de Lugo que devuelva los territorios asturianos

El Conceyu pola Normalización a través del so Presidente, D. Xaviel Vilareyo y Villamil, mandó un carta a la Diputación de Lugo cola propuesta d'iniciu de trámites alministrativos encaneyaos a qu'esta Diputación gallega devuelva los territorios asturianos históricos a la so lexítima propietaria, Asturies. Los territorios asturianos que la provincia de Lugo usurpó ilexítimamente a Asturies nel sieglñu XIX yá que esa anexión nun cuntó cola aprobación de la Xunta Xeneral del Principáu sinón más bien cola so total oposición nel añu 1834. Los territorios asturianos actualmente baxo alminsitración de la Diputación de Lugo son los comprendíos na Ripa de Ove (Ribera d'Ovetus) formaos polos conceyos de Fonsagrada y Negueira (Conceyo asturiano de Burón), Ribeira de Piquín y Altu Navia (Navia de Suarna). Estos conceyos pertenecen a Asturies d'Uviéu dende la creación del obispáu d'Uviéu n'época d'Alfonsu II, rei d'Asturies y a esta provincia eclesiástica pertenecieron hasta 1954. Culturalmente estos conceyos nun son de llingua chairega sinon asturgalaica pero la reclamación territorial nun se basa en criterios culturales sinón de pertenencia lexítima del territoriu a les Asturies d'Uviéu como asina se constata históricamente y llegalmente. Tamién se pidió per carta al Obispáu de Lugo que devuelva los archivos eclesiásticos de les parroquies asturianes d'estos territorios asturianos o que polo menos esista copia de tolos archivos parroquiales de la Ripa asturiana del Eo nel Arzobisopáu d'Uviéu, al que pertrenecieron estos territorios de la Ribeira oriental del ríu Eu y Altu Navia hasta l'añu 1954, documentos que nel archivu arzobispal d'Uviéu nun tán presentes pa la consulta pública de los mesmos.

Amenaza de bomba contra l'edificiu del Goviernu asturianu

L'edificiu sede principal del goviernu provincial del principáu asturianu en Llamaquique recibió una amenaza de bomba esti vienres. La Policía hespañola entamó a evacuar l'edificiu darréu ante la posibilidá d'esbarrumbe del edificiu y pa evitar víctimes mortales. L'amenaza d'ataque violentu recibióse nel Edificiu Alministrativu de Servicios Múltiples d'Uviéu ante la llamada d'una entidá anónima alertando de la colocación d'una bomba esplosiva nel inmueble guvernamental.

Según informaron fontes de la Conseyería de Presidencia, Xusticia ya Igualdá del Principáu de les Asturies, la llamada recibióse pasaes les 12.00 hores del mediudía y los axentes yá procedieron a evacuar toles dependencies oficiales y despachos de les Conseyeríes de Llamaquique, nes que s'alcuentren dellos otros departamentos provinciales del Goviernu del Principáu de les Asturies. Inda nun se sabe qué grupu reivindica esta acción política.

Piden que Lleón respete la integridá territorial d'Asturies

El Conceyu pola Normalización mandó un escritu a la Diputación de Lleón solicitando qu'ésta respete l'ámbitu y la integridá territorial d'Asturies mediante la devolución a les Asturies d'Uviéu de los conceyos asturianos de Sayambre y Valdeón que formen parte del Parque Nacional Asturianu de los Picos d'Europa. Esta petición firmada por Conceyu lleva tamién la firma de dellos ciudadanos d'Asturies que piden a la diputación lleonesa ponga fin a un error históricu y alministrativu cola devolución a Asturies de parte del so territoriu propiu como son los territorios de Sayambre y Valdeón ante'l peligru de que l'alministración castiellana pretenda separtalos del conxuntu del parque asturianu.

axenciacpn.blogspot.com

ENTREVISTA A XAVIEL VILAREYO

-La Xunta d'Escritores Asturianos 2010 abríase presentando les actes de la Xunta celebrada va dos años, ¿qué balance fai de la participación nesta Xunta?

Pues mui positivu porque esta Xunta ta abierta a tolos que quieran participar ensin exclusiones, vetos nin censures, cosa bastante rara na Asturies d’anguañu yá que paez que nel nuesu país tornamos agora al pasáu, al réxime fascista de partíu únicu provincial, onde los que piensen diferente non sólo se-yos ningunea o marxina sinón que los ataquen. Y per otru llau pretende ser non sólo unos eventos pal círculu d’escritores sinón pa tola sociedá y por ello pretendemos dar la máxima difusión a los actos aL travIés de los medios. La metáfora que dixe hai dos años de la torre-campanariu llamando a conceyu social pa la reflexón y l’alderique sobre lo lliterario pero tamién sobre la llingua asturiana.

-¿Vese con ánimos pa siguir cola xera?

He dicir un sí rotundu, esto ye, redondu. Prestaríame que dalgunu ficiera toes estes coses igual que yo les promuevo o motivo y nos lo presentara too yá fecho pero nun lu alcuentro, sinceramente, y como cansé de quexame tanto polo mal que se facía too púnxeme a trabayar p’anular esi escepticismu qu’en munchos escritores conduz al desánimu, pero los que me conocen bien nun me fairíen esta pregunta. Nun se trata de si yo tengo ganes d’esto o non, trátase de que la mio obligación ye tresmitir los mios ánimos y la mio ilusión a los demás, esto ye, compartila, pa yo tamién esfrutar más d’esa ilusión lliteraria compartida. Por eso esti añu una de les xeres obligaes de los participantes yera la de subir a la torre del Palaciu Villa Madalena. Tolos participantes subieron per primer vez a esa torre y pañaron una visión nueva, un nuevu horizonte. La elección de Villa Madalena taba mui calculada y yera tamién simbólica, yá que la diseñó un asturianu de Santiyana y la muria que l’arrodiaba baltióse pa permitir l’esfrute de toos y pa celebrar que la so cai llindante camudó de nome. La subida a la torre de tolos participantes nesta XEA significaba eso, subir a lo alto d’un nuevu observatoriu, un observatoriu de la cultura asturianista que mire más lloñe de los intereses personales, qu’acollumbre más p’alló del propiu campanariu o redil y que mire tamién a otros horizontres, a otros campanarios y terrenos más alloñaos onde se fala la mesma llingua y onde s’ecribe una mesma lliteratura. Ye l’entamu d’una nueva visión más elevada d’Asturies. Asturies ye un país plural, por eso dizse Les Asturies. Asturies ye tamién femenín, por eso’l palaciu había tener el nome de muyer. Yera un homenaxe simbólicu a Les Asturies, a la so cultura, a la so identidá y nacionalidá. Los poetes somos asina. Facemos metáfores mui útiles porque sirven pa facer la vida más prestosa. Pero sobre too, presta ver y sentir coses interesantes y conocer a xente nuevo, facer amigos y pasalo pipa. Pero si terminamos descorchando botielles de sidra-xampán y dexando’l suelu de parqué moyáu y chiscáu de sidra!... Tengo abondes idees, pero igual el mundu que m’arrodia, tan repetitipu y monótonu, nun les asumiría. Por exemplu, yá que la XEA suel facese a entamos de xineru por ser vacación escolar, prestaríame poder organizar dalgún Antroxu lliterariu onde toos habríemos dir antroxaos y con mázcares d’hibiernu pa reivindicar la reinstauración de les festividaes céltiques en llugar de les cristianes. O facer coses más reivindicatives que lleer una conferencia sobre la fala de Cabuérniga, pero nun creo que toos puedan entender estes supuestes tochures y amás yo tamién sé adaptame a los gustos academicistes y formalistes de los demás. El casu ye que toos puedan participar si quieren y que toos aporten idees, suxerencies y propuestes. Personalmente nunca me prestó tocar siempre la mesma pieza, siguir siempre los mesmos esquemes. Hai que variar, creo.

-Ente los temes más trataos na Xunta tuvieron les teoríes que defende l’asturianidá de les Asturies de Santiyana, güei parte de “Cantabria”, ¿cuála ye la so propuesta, una unificación de la normativa llingüística o camienta nacesario dir más p’allá y falar d’una unidá política ente Asturies d’Uviéu y Asturies de Santiyana?

Asturies de Santiyana nun desapaeció yá que ye’l nome d’una tierra y nun la tragó’l mar, sigue tando onde taba. Ribedeva y Peñamellera són Asturies de Santiyana tamién. Cantabria ye una rexón de Les Asturies y llega hasta’l ríu Seya. Miguel Ángel Revilla ye un políticu tán “cántabru” como Gabino de Lorenzo que ye d’Onís, llugar de "tribus cántabres". Pero aquel mundu tribal desapaeció y lo que surdió foi non Asturia sinón Asturies, en plural femenín yá qu’Asturies nun ye neutra. Les Asturies són cuatro rexones: Albionia, Pesicia, Llugonia y Cantabria, respetando los territorios tribales prehistóricos. Pero Asturies superó too eso, les tribus meciéronse, llatinizáronse y crearon una sola cultura singular: l’asturiana, una llingua, una música, un folclor, inclusu una mesma forma de facer quesu. Les fronteres d’Asturies són los cimblos de los picos de los montes que miren a la Mar de les Asturies. Dende l’añu 910 Asturies empieza nel ríu Eo (non na ría) y ye verdá que como nación acaba nel ríu Miera yá que a partir de les Asturies de Tresmiera yá entamen a baillar a lo euscaldún. Pero nel sieglu X Asturies algamaba hasta Guipuzcua y hacia les estrelles yera infinita. Pero Asturies históricamente ye una nación en continua regresión dende Alfonsu III el Grande. Por eso caltenemos el nome d’esi reinu, el so mesmu corónimu y la so bandera, pola memoria d’aquel grandísimu reinu cristianu. Castiella ye la que destruye Asturies, celosa de les sos antigües estirpes reales y dixébrales apropiándose de la metá d’ella, de les Asturies de Santiyana. La idea de la reintegración nacional remanez nel tiempu y ye Gumersindo Laverde y el so grupu de laverdianos el que la rescata del escaezu yá qu’en 1865 propón la reaxuntanza política de les dos Asturies. Les Asturies de Laredo tienen tamién munches afinidaes culturales coles otres Asturies pero tamién con Bizcaya, son zones de frontera y transición cultural. Agora bien, Campoo perteneció al Reinu d’Asturies pero agora ye Castiella, con tolos respetos a les tribus neandertales, sidrones, cromañones o céltiques.

-Na Xunta presentóse la revista d’ensayu “N’ast”, ¿qué momentu vive l’ensayu asturianu, qué carencies tien?

N’Asturies l’ensayu tien pocu prestixu yá que los escritores persuvencionaos sólo se dediquen al cuentu y a la poesía, a vivir d’ello vamos, y al sistema nun-y interesa suvencionar a los más trabayadores sinón pagar más a los más vagos. L’ensayu como requier más hores de trabayu nun interesa a estos círculos del minimalismu poéticu dependientes del presupuestu oficial (la llingua nun sedrá oficial pero ellos sí) que siguen la regla del munchu cobrar y poco trabayar. L’ensayu actual peca d’aburrición, falta-y saleru, donosura y la mar d’ironía que ye una seña d’identidá nacional asturiana.

-¿Qué cuestiones necesiten tratase más a fondu?

A min gústame muncho la historia. Dame tristura tol desdén qu’hai n’Asturies a tolo referente al Reinu d’Asturies. Yá que si Asturies ye Asturies ye gracies a aquel estáu medieval independiente. Lleí tanto de la revolución del 34 o de la emigración que yá me resulta gomitivo por cansanciu.

-Una de les conferencia presentaes na Xunta titulábase “De como una llingua s’enfrenta a la muerte”, ¿ye esta una visión demasiao pesimista o respuende a la realidá que vive la llingua asturiana?

Non sólo la llingua sinón toa Asturies como país s’enfrenta a la muerte. Dende Alfonsu III p’acá too son recesiones y amenorgamientos. Nel sieglu XI Navarra conquístanos Tresmiera. Nel XII Castiella quítanos la mitá d’Asturies. En 1835 Galicia quítanos Fonsagrada, Suarna y la Ribeira asturiana de Piquín nel ríu Eo y Lléon quítanos Sayamabre y Valdeón y agora un cachu del puertu de montaña. Pel otru llau queríen quitanos un monte comunal en Cabrales. Y los nacionalistes asturianos de la provincia d’Uviéu anden debatiendo si hai qu’apoyar la revolución cubana o la china... Esto ye lo que queda d’Asturies. La llingua d’Asturies ya nun ye’l Bable-Astur-Lleonés-Pasiegu ye otra nueva… tamos debatiendo cómo escribir hardware, imput, chat, feisbuk, gadxet, baits…

-Na Xunta hubo muncha presencia d’autores mozos, ¿cómo ve’l panorama lliterariu de los autores más nuevos?

Tiénenlo más difícil yá que los escritores anteriores nun-yos van permitir que-yos coman nin un migayu del curruscu de pan que-yos suelta’l goviernu toles mañanines. Trevín engañólos: los dineros pa la bohemia lliteraria van dir amenorgando porque’l chollu fetén d’Europa “c’est fini”. Eurovisión yá tien frontera con Irán y en toos esos países hai abondes llingües que tán peor que l’asturianu de Palencia y que tamién necesiten de los dineros europeos.

-Otru de los temes trataos foi l’usu de l’asturianu nos medios. ¿Cómo ve esti tema?

Más bien habría que dicir l’usu del asturianu nos cuartos. Ye la política de los 15 minutos a les 9 la mañana. Nun se ve una solución a esti tema. Tendría d’haber un partíu políticu asturianu que contra-restara tanta desfachatez contra la llingua, y los asturianistes tendríen que dexar d’apoyar al PSOE. Si estes dos coses nun cambien creo que’l problema sigirá.

-¿Ye imprescindible un compromisu políticu pa los escritores qu’escriben nuna llingua minorizada como l’asturiana?

Sí, ye imprescindible, entendiendo’l compromisu en sentíu ampliu, non como militancia política sinón como toma de conciencia. Vese munchu interés material alrodiu la llingua tamién y eso nesta situación ensin oficialidá ye mui negativo porque’l poder represor xuega con ello nel so favor.

-Na Xunta d’Escritores presentóse una obra de tamañu y conteníos perimpornta, la que ye la más completa Historia del Cine Asturianu, ¿qué coses podemos descubrir na obra que mos llamen l’atención del cine asturianu?

Que se ñegó’l conceptu de cine asturianu igual que se ñegó’l conceptu de llingua o nación asturiana. A caún-y llamará l’atención una cosa diferente asina que lo que tien que facer ye lleelu y sacar conclusiones personales.

-Esta ye una Xunta que se celebra ensin apoyu institucional, ¿ye esti un principiu importante pa usté o una circunstancia non buscada?

Sí hubo un apoyu institucional. El Conceyu d’Uviéu cediónos Villa Madalena. El depender de suvenciones condiciona totalmente el llinguaxe lliterariu y la creatividá personal y el réxime suvencional ye intrínsecamente tramposu. Na vieya Roma sólo los mui ricos podíen ser senadores yá qu’entendíen que los probes y necesitaos yeren mui fáciles de sobornar y corromper por cualquiera. Si yá yeren ricos los senadores romanos, pa qué quieren más dineru y pa qué corrompese. Ello yera un frenu contra la corrupción de tol sistema. El sistema actual llegará un momentu nel que suvencionará a aquellos necesitaos pa qu’abandonen la llingua como yá ta pasando. Les actividaes que ficimos nestes trés ediciones de la XEA nun dependen de nengún presupuestu públicu pa la so realización o conteníu. La iniciativa ye privada dafechu. Nun creo nesti sistema que reprime la llingua, nun me da garantíes de nengún tipu. Yo creo más nos patrocinios privaos que nesti réxime políticu que nos tocó. Hai corrupción. La editorial que publicó los llibros d’actes recibió dineru públicu por ello y paezme bien yá que los participantes tenemos derechu a un llibru gratis total que nun cubre nin los gastos de tinta d’impresora, anque’l sistema actual de repartu suvencional a min paezme tou él un error. Foi un error cargase’l Serviciu de Publicaciones. Pero si nun hai política cultural cómo va habela editorial, de promoción del llibru o de fomentu de nada. Nun m’apetez que’l mio trabayu sirva pa qu’unos señores despreciables ganen más votos. Nun m’apetez faceme fotos con nenguna conseyera represora. Yo soi d’otra madera. Quiero derechos, non dineru. Quiero oficialidá y non suvenciones. La cultura de la suvención ye nefasta. En Cataluña nun esiten suvenciones al catalán. Faise too en catalán y puntu. Ye too una patraña mientres sigan estos políticos mangoneándolo too. Afortunadamente nun vivo de lo qu’escribo y eso faime ser, nesti réxime políticu gris, una persona más llibre y más feliz. Más llibre pa escribir y pa facer coses y más feliz pa esfrutar d’ello.

ASTURNEWS.COM

ENTREVISTA A INACIU GALÁN

- Llueu de la so participación na Xunta d’Escritores Asturianos 2010 recientemente celebrada n’Uviéu nel Palaciu Villa Madalena. ¿Cómo ves esti tipu d’alcuentros y qué destacaríes de los mesmos?

Alcontrase, aldericar... ye siempres bono, arriquez a los participantes cuando se llega ensin prexuicios y abiertu a cambiar los puntos de vista colos que se aporta. Sinón nun tien muncha utilidá nin sentíu, más que la d’echar monólogos ensin que naide escuche.
D’esti alcuentru últimu destacaría, ente otres coses, la intervención d’Esther Prieto, na primer xornada, onde dexó mui clara la so postura sobre l’estándar del asturianu, una portura que comparto en gran parte.

- ¿Cómo ve’l panorama actual de la lliteratura asturiana y de tolo que s’escribe nesta llingua?

Ye un panorama cada vegada más ampliu y de más calidá. Ente otres coses llámame l’atención la lliteratura que ta surdiendo nos tiempos últimos con más puxu que nunca al sur del Cordal. Hai que saber facer qu’estos escritores se vean abellugaos pol colectivu d’escritores asturianos, porque formen parte d’un sistema lliterariu común, o asina habría ser.

- ¿Cómo ve la política oficial referente a la lliteratura y qué medíes habríen tomase nesti campu?

Faense coses interesantes, quiciabes ye la lliteratura’l tema meyor tratáu dende les instituciones (al traviés d’ayudes, concursos, etc.) Sicasí, la meyor forma d’apoyar la lliteratura n’asturianu ye reconociendo la oficialidá de la llingua asturiana, pa qu’asina la formación de los escolinos pueda facese n’asturianu y se conviertan, polo menos, en llectores potenciales.

- ¿Qué motivaciones, metes o oxetivos són los que se plantegua nesti momentu pa escribir n’asturianu?

Creo qu’escribir n’asturianu ye tovía güei, y va siguir siéndolo munchos años, en gran parte un actu de militancia, un actu de rebeldía a la escontra del desaniciu de la nuesa llingua. Sicasí, veo llexítimo qu’otros escritores nun tengan esti puntu de vista, y vean la lliteratura n’asturianu simplemente como eso, lliteratura. Oxalá pudiera velo asina tamién.

- ¿Qué proyectos concretos, futuros o más inmediatos, tien pa siguir escribiendo n’asturianu?

Anguaño trabayo l’ensayu en temes estremaos, anque sobremanera en cuestiones de lexicografía y lliteratura asturiana anterior al Surdimientu. Tamién faigo dacuando dalguna incursión na lliteratura más puramente creativa, pero tengo de centrar esfuercios nel proyectu lliterariu que más me presta llevar alantre, la revista Formientu, onde apaecen autores mozos mui interesantes, y cada vegada en mayor númberu y con más calidá.



- ¿Cómo ve en xeneral la política oficial de suvenciones a la lliteratura y a los llibros n’asturianu por parte del Goviernu Autónomu?

Paecenme necesariaes, como lo son les ayudes en toles actividaes económiques. Creo que podría facese meyor en munches coses, pero entiendo que son puntos de vista. Que nun dean una sovención nun quier dicir qu’unu nun pueda arriesgase y asoleyar un llibru, anque da la impresión, tal y como tán les coses agora, de que fuere asina.

- ¿Cómo ve en xeneral la política llingüística actual y la relativa a los medios de comunicación pal fomentu del asturianu?

La política d’apoyu a los medios de comunicación ye mui escasa, y la presencia nos medios públicos ye insuficiente dafechu. Yo creo qu’un mediu públicu asturianu tien que ser 100% n’asturianu. Nesi sen creo que la reinvindicación ta mui parada nesti campu, supongo que se centraron esfuercios n’otres cuestiones que se consideraron más importantes.
Nel ámbitu priváu hai que reclamar que los medios usen l’asturianu más, independientemente de les sovenciones que reciban.

- ¿Qué opinión tien de los actuales premios lliterarios n’asturianu que se convoquen n’Asturies? ¿Tienen utilidá?

Los premios siempres afalen la creación, y nesi sen cualesquier iniciativa ye bona.



- Nesta XEA 2010 analizáronse les relaciones ente lliteratura, indentidá y nación nel casu asturianu ¿Cómo ve en xeneral esti tema o qué opinión-y merez?

Creo qu’un escritor n’asturianu pue ser nacionalista o non, d’izquierdes o de dreches, y esi ha ser un signu de normalidá. Los qu’entendemos Asturies como una nación, supongo que tenemos otros puntos de vista estremaos a aquellos escritores que non, pero toes son posiciones respetables. Nun ta la lliteratura asturiana nin la llingua pa restar, sinón pa sumar escritores, llectores, usuarios, etc.


- Nesta Xunta d’Escritores plantegóse la identidá asturiana como referida a una dualidá territorial ente unes Asturies d’Uviéu y de Santiyana ¿Qué opinión-y merez esti enfoque?

La verdá que nun cuento con una opinión mui formada sobre esta cuestión. Paez claro que tamos falando d’ámbitos culturales con munches coses en común, como asocede con Lleón, pero si falamos de territorialidá, ehí creo que la opinión han dala los ciudadanos de cada territoriu, ha respetase la so voluntá.

- ¿Cree usté que se puede falar d’una lliteratura asturiana referida a tol dominiu llingúísticu o que sólo se puede referir al ámbitu de l’actual Comunidá Autónoma del Principáu d’Asturies?

Creo que lliteratura asturiana ye aquella que s’escribe n’asturianu, independientemente de l nome que se-y dea l’autor a la llingua na qu’escribe (lleonés, asturianu, bable, etc.) Creo que n’eso nun tendría qu’esistir un gran alderique. El problema ta más na usurpación del términu per parte de los escritores asturianos qu’escriben en castellán, que nun me paez que faigan lliteratura asturiana, sinón castellana.



- Nestes Xuntes d’escritores nun suel haber remuneración o compensación económica a los participantes ¿Recomendaríes a otros escritores la so participación activa nesti tipu d’alcuentros futuros? ¿Por qué?

Caún, según les sos circunstancies, ha saber ónde participa, si lo fai de baldre o non. Nun actu ensin porgüeyu económicu per parte del organizador como la XEA, paezme que siempres ta bien echar uin gabitu y participar, anque entiendo qu’aquellos escritores que viven o aspiren a vivir de la lliteratura, busquen participar n’otru tipu d’alcuentros, ye llexítimo dafechu.


- ¿Qué otros temes o lemes suxeriríes pa futures Xuntes d’Escritores Asturianos?

La verdá que queden munchos temes por tratar na lliteratura asturiana. Yo afondaría na lliteratura anterior al Surdimientu, creo que tovía queda muncho que falar sobre esta cuestión. Los autores clásicos asturianos tán mui devaluaos por dalgunos escritores acutales y creo que munches vegaes ye por desconocencia.