Carlos X. Blanco reivindica un ensayu asturianu en clave nacional

Carlos X. Blanco participa na Xunta d'Escritores Asturianos 2012 con un ensayu tituláu "Barruntos y condiciones pal xorrecer d'un ensayu en clave nacional" onde reivindica la creación d'una corriente de pensamientu y ensayu netamente asturiana.

Carlos X. Blanco (Xixón, 1966) ye doctor en Filosofía y llicenciáu en Sicoloxía y Pedagoxía. Autor de llibros como "La nación asturiana", "Casería y socialismo: nación asturiana y marxismo nacionalista" o "Nacionalismu y soberanía", publica abondos ensayos sobre la identidá nacional asturiana y el nacionalismu asturianu. Anguañu imparte clases en Ciudá Real como profesor de filosofía.